КъМДж ЮР Къарары

КЪЫРЫМ МУХТАР ДЖУМХУРИЕТИ ЮКЪАРЫ РАДАСЫНЫНЪ 2007 СЕНЕСИ 22-МАРТТА КЪАБУЛ ОЛУНГЪАН «КЪЫРЫМ МУХТАР ДЖУМХУРИЕТИНДЕ ДЕВЛЕТ, РУС ВЕ ДИГЕР ТИЛЛЕР ИШЛЕТИЛЬМЕСИ МЕСЕЛЕЛЕРИ БОЮНДЖА КЪЫРЫМ МУХТАР ДЖУМХУРИЕТИ ЮКЪАРЫ РАДАСЫ КЪАРАРЛАРЫНЫНЪ ЭДА ЭТИЛЮВ КЕТИШАТЫ АКЪКЪЫНДА» 391-5/07 САНЛЫ КЪАРАРЫНА ДЕНЪИШМЕЛЕР КИРСЕТИЛЬМЕСИ АКЪКЪЫНДА

Къырым Мухтар Джумхуриети Анаясасынынъ 10, 11-нджи мадделерине, 26-нджы маддесиндеки экинджи къысмынынъ 1-нджи пунктына бинаен

Къырым Мухтар Джумхуриетининъ Юкъары Радасы  к ъ а р а р  б е р е:

1. Къырым Мухтар Джумхуриети Юкъары Радасынынъ 2007 сенеси 22-мартта къабул олунгъан «Къырым Мухтар Джумхуриетинде девлет, рус ве дигер тиллер ишлетильмеси меселелери боюнджа Къырым Мухтар Джумхуриети Юкъары Радасы къарарларынынъ эда этилюв кетишаты акъкъында» 391-5/07 санлы Къарарына (Къырым Мухтар Джумхуриетининъ норматив-укъукъий актлар топламы, 2007 с., № 3, 185 мад., № 10, 994 мад.) ашагъыдаки денъишмелер кирсетильсин:

мезкюр мундериджели 3-1 пунктнен текмилленсин:

«3-1. Къырым Мухтар Джумхуриетининъ Назирлер Шурасы Къырым Мухтар Джумхуриетининъ миллетлерара мунасебетлер ве сюргюн этильген ватандашлар ишлери боюнджа Джумхурий комитетине, Къырым Мухтар Джумхуриети Юкъары Радасынынъ 2006 сенеси 21-июньде къабул олунгъан 102-5/06 санлы Къарарынен тасдикълангъан Къырым Мухтар Джумхуриетининъ бюджети васталары эсабындан эда этильген Къырым Мухтар Джумхуриетинде 2006—2010 сенелерине сюргюн этильген ватандашларнынъ ерлешюви ве ичтимаий-медений инкишафы Программасына ичтимаий-медений инкишафкъа айырылгъан пара васталары эсабындан малиенен теминлевни эм де арекетте олгъан къанунджылыкъ козьде туткъан дигер малиенен теминлев менбаларны козьде тутаракъ, 2008—2010 сенелерине Къырым Мухтар Джумхуриетинде къырымтатар тилини инкишаф эттирюв ве къулланув боюнджа тедбирлер ишлеп чыкъармакъ ве тасдикъламакъ авале этсин»;

4-нджи пунктта «яшлар ишлери ве спорт» сёзлеринден сонъ «Къырым Мухтар Джумхуриети Юкъары Радасынынъ миллетлерара мунасебетлер ве сюргюн этильген ватандашларнынъ меселелери боюнджа Даимий комиссиясына» сёзлеринен текмилленсин;

6-нджы пунктта «рус тилини къулланув» сёзлеринден сонъ «ве къырым татар тилини» сёзлеринен текмилленсин;

7-нджи пункт «Къырым Мухтар Джумхуриети Юкъары Радасынынъ миллетлерара мунасебетлер ве сюргюн этильген ватандашларнынъ меселелери боюнджа Даимий комиссиясыны» сёзлеринен текмилленсин.

2. Мезкюр Къарар къабул этильген кунюнден арекетке кире.