КъМДж ЮР Къарары

КЪЫРЫМ МУХТАР ДЖУМХУРИЕТИ ЮКЪАРЫ РАДАСЫНЫНЪ БАЗЫ КЪАРАРЛАРЫНА ДЕНЪИШМЕЛЕР КИРСЕТИЛЬМЕСИ АКЪКЪЫНДА

Къырым Мухтар Джумхуриети Анаясасынынъ 9-нджы маддесиндеки учюнджи къысмына, 26-нджы маддесиндеки экинджи къысмынынъ 1-нджи пунктына бинаен

Къырым Мухтар Джумхуриетининъ Юкъары Радасы  к ъ а р а р  б е р е:

1. Къырым Мухтар Джумхуриети Юкъары Радасынынъ 2000 сенеси 19-июльде къабул олунгъан «Къырым Мухтар Джумхуриетининъ стипендиялары акъкъында» 1288-2/2000 санлы Къарарына (Къырым Мухтар Джумхуриетининъ норматив-укъукъий актлар топламы, 2000 с., № 7, 737 мад.; 2001 с., № 11, 1216 мад.; 2002 с., № 10, 1058 мад.; 2004 с., № 6, 543 мад., № 12, 1103 мад.; 2006 с., № 6, 408 мад., № 11, 1008 мад.; 2007 с., № 4, 315 мад., № 6, 570 мад., № 9, 859 мад.) ашагъыдаки денъишмелер кирсетильсин:

Къарарнынъ серлевасы янъы тарирде арз этильсин:

«Алий окъув юртларынынъ студентлерине Къырым Мухтар Джумхуриетининъ мукяфатлары акъкъында»;

1-нджи пункт янъы тарирде арз этильсин:

«1. Алий окъув юртларынынъ студентлерине Къырым Мухтар Джумхуриетининъ мукяфатлары акъкъында Низамнаме тасдикълансын (иляве этиле)»;

2-нджи пунктта:

биринджи сатырбашында «50 стипендия» сёзлери «50 мукяфат» сёзлерине денъиштирильсин, «2,8» сайысы «16,8» сайысына денъиштирильсин;

экинджи сатырбашында «стипендияларны» сёзю «мукяфатларны» сёзюне денъиштирильсин;

мезкюр Къарарнен тасдикълангъан Низамнамеде:

Низамнаменинъ серлевасы янъы тарирде арз этильсин:

«Алий окъув юртларынынъ студентлерине Къырым Мухтар Джумхуриетининъ мукяфатлары акъкъында Низамнаме»;

1, 2, 3-нджи пунктларда «стипендиялар» сёзю «мукяфатлар» сёзюне денъиштирильсин;

4-нджи пунктта мувафыкъ келишлерде «стипендиялар» сёзю мувафыкъ келишлерде «мукяфатлар» сёзюне денъиштирильсин;

5-нджи пунктта «стипендиялар» сёзю «мукяфатлар» сёзюне денъиштирильсин;

6-нджы пунктта:

биринджи сатырбашында «стипендияларны» сёзю «мукяфатларны» сёзюне денъиштирильсин;

экинджи сатырбашы янъы тарирде арз этильсин:

«Къырым Мухтар Джумхуриети Юкъары Радасынынъ Президиумы къарарына бинаен берильген алий окъув юртларынынъ студентлерине Къырым Мухтар Джумхуриетининъ мукяфатлары мезкюр Низамнаменинъ 7-нджи пунктында косьтерильген алий окъув юртларынынъ студентлерине Къырым Мухтар Джумхуриети Тасиль ве илим Назирлиги тарафындан 1-майыс ве 1-ноябрьден кеч олмагъан муддет ичинде бир кере тёлениле»;

7-нджи пунктта:

биринджи сатырбашы янъы тарирде арз этильсин:

«7. Алий окъув юртларынынъ студентлерине Къырым Мухтар Джумхуриетининъ мукяфатлары III-IV севие аккредитациясы олгъан алий окъув юртлары студентлерининъ 16,8 минималь академик стипендиясы колеминде бериле:»;

экинджи-онунджы сатырбашында «стипендияларны» сёзю «мукяфатларны» сёзюне денъиштирильсин;

8-нджи пункт янъы тарирде арз этильсин:

«8. Алий окъув юртларынынъ студентлерине Къырым Мухтар Джумхуриетининъ мукяфаты маневий ве маддий рагъбетлендирюв шекилидир, академик стипендиясына къошып тёлениле».

2. Къырым Мухтар Джумхуриети Юкъары Радасынынъ 2001 сенеси 21-ноябрьде къабул олунгъан «Къырымнынъ инкишафы саасындаки биринджилик ерини алгъан ёнелишлерде ильмий мувафакъиетлер ичюн» Къырым Мухтар Джумхуриетининъ стипендиялары акъкъында» 2147-2/01 санлы Къарарына (Къырым Мухтар Джумхуриетининъ норматив-укъукъий актлар топламы, 2001 с., № 11, 1215 мад.; 2004 с., № 12, 1103 мад., 2007 с., № 9, 858 мад., № 11, 1131 мад.) ашагъыдаки денъишмелер кирсетильсин:

Къарарнынъ серлевасы янъы тарирде арз этильсин:

«Къырымнынъ инкишафы саасындаки биринджилик ерини алгъан ёнелишлерде ильмий мувафакъиетлер ичюн» Къырым Мухтар Джумхуриетининъ мукяфатлары акъкъында»;

1-нджи пункт янъы тарирде арз этильсин:

«1. «Къырымнынъ инкишафы саасындаки биринджилик ерини алгъан ёнелишлерде ильмий мувафакъиетлер ичюн» Къырым Мухтар Джумхуриетининъ мукяфатлары акъкъында Низамнаме тасдикълансын (иляве этиле)»;

2-нджи пунктта:

«стипендияларны» сёзю «мукяфатларны» сёзюне денъиштирильсин;

«3,3» сайысы «39,6» сайысына денъиштирильсин;

Мезкюр Къарарнен тасдикълангъан Низамнамеде:

Низамнаменинъ серлевасы янъы тарирде арз этильсин:

«Къырымнынъ инкишафы саасындаки биринджилик ерини алгъан ёнелишлерде ильмий мувафакъиетлер ичюн» Къырым Мухтар Джумхуриетининъ мукяфатлары акъкъында Низамнаме»;

1, 2, 3-нджи пунктларда «Къырым Мухтар Джумхуриетининъ стипендиялары» сёзлери «алий окъув юртларынынъ студентлерине Къырым Мухтар Джумхуриетининъ мукяфатлары» сёзлерине денъиштирильсин;

4-нджи пункт янъы тарирде арз этильсин:

«4. «Къырымнынъ инкишафы саасындаки биринджилик ерини алгъан ёнелишлерде ильмий мувафакъиетлер ичюн» Къырым Мухтар Джумхуриетининъ мукяфатлары Къырым Мухтар Джумхуриетининъ эписи мулькиет шекиллерине менсюп алий окъув юртларынынъ студентлерине эр сене бериле»;

5, 7, 8-нджи пунктларда «Къырым Мухтар Джумхуриетининъ стипендиялары» сёзлери «алий окъув юртларынынъ студентлерине Къырым Мухтар Джумхуриетининъ мукяфатлары» сёзлерине денъиштирильсин;

9-нджы пункт янъы тарирде арз этильсин:

«9. «Къырымнынъ инкишафы саасындаки биринджилик ерини алгъан ёнелишлерде ильмий мувафакъиетлер ичюн» Къырым Мухтар Джумхуриети мукяфатларынынъ бир керелик тёлеви Къырым Мухтар Джумхуриети Юкъары Радасынынъ Президиумы къарар чыкъаргъан сонъ Къырым Мухтар Джумхуриети Тасиль ве илим Назирлиги тарафындан 1-апрельден кеч олмагъан муддет ичинде эда этиле»;

10-нджы пункт янъы тарирде арз этильсин:

«10. «Къырымнынъ инкишафы саасындаки биринджилик ерини алгъан ёнелишлерде ильмий мувафакъиетлер ичюн» Къырым Мухтар Джумхуриетининъ мукяфаты маневий ве маддий рагъбетлендирюв шекилидир, академик стипендиясына къошып тёлениле».

3. Къырым Мухтар Джумхуриети Юкъары Радасынынъ 2003 сенеси 17-сентябрьде къабул олунгъан 679-3/03 санлы Къарарынен (Къырым Мухтар Джумхуриетининъ норматив-укъукъий актлар топламы, 2003 с., № 9, 732 мад.; 2006 с., № 6, 417 мад.; 2007 с., № 5, 437 мад.) тасдикълангъан Къырым Мухтар Джумхуриети Юкъары Радасы депутатларынынъ фаалиети теминленмеси акъкъында Низамнамесине ашагъыдаки денъишме кирсетильсин:

«Депутатларнынъ эмек уджрети» 2-нджи болюгинде 2.1 пунктасты янъы тарирде арз этильсин:

«2.1. Къырым Мухтар Джумхуриети Юкъары Радасынынъ Реиси, онынъ биринджи муавини ве муавини, Къырым Мухтар Джумхуриети Юкъары Радасынынъ даимий комиссиялары реислери, Къырым Мухтар Джумхуриети Юкъары Радасынынъ даимий комиссиясы статусы олгъан саиплештирюв меселелери боюнджа Къырым Мухтар Джумхуриети Юкъары Радасынынъ Незарет комиссиясынынъ реиси озь векялетлигини даимийлик эсасында эда этелер.

Къырым Мухтар Джумхуриети Юкъары Радасында даимийлик эсасында ишлеген депутатларнынъ эмек уджрети Къырым Мухтар Джумхуриетининъ бюджети васталары эсабындан Украина Назирлер Кабинети бельгилеген тертипте эда этиле.

Эмек уджрети шартлары, Къырым Мухтар Джумхуриети Юкъары Радасынынъ Реиси, онынъ биринджи муавини ве муавинининъ мукяфатлавы Къырым Мухтар Джумхуриети Юкъары Радасынынъ реберлерине эмек уджрети тертибини тайинлеген Украина Назирлер Кабинетининъ къарарына бинаен Къырым Мухтар Джумхуриети Юкъары Радасы тарафындан тайинлене.

Девлет ве мутехассыс байрамлары эм де юбилей куньлеринен багълы Къырым Мухтар Джумхуриети Юкъары Радасынынъ Реиси, онынъ биринджи муавини ве муавинининъ мукяфатлав шартларыны Къырым Мухтар Джумхуриети Юкъары Радасы бельгилей. Косьтерильген мукяфатлав Къырым Мухтар Джумхуриети Юкъары Радасы Реисининъ эмири иле эда этиле.

Къырым Мухтар Джумхуриети Юкъары Радасынынъ даимий комиссиялары реислери, Къырым Мухтар Джумхуриети Юкъары Радасынынъ даимий комиссиясы статусы олгъан саип­лештирюв меселелери боюнджа Къырым Мухтар Джумхуриети Юкъары Радасынынъ Незарет комиссиясы реисининъ мукяфатлавы ишнинъ умумий нетиджелерине оларнынъ шахсий салымына нисбетен, эм де девлет ве мутехассыс байрамлары ве юбилей куньлеринен багълы Къырым Мухтар Джумхуриети Юкъары Радасы Реисининъ эмири иле ве Украина Назирлер Кабинетининъ 2006 сенеси 9-мартта къабул этильген «Иджра акимиети органлары аппараты, прокуратура органлары, махкемелер ве дигер органлары хызметчилерининъ къурумыны тертипке кетирюв ве эмек уджрети шараитлери акъкъында» 268 санлы Къарарына бинаен, Къырым Мухтар Джумхуриети Юкъары Радасынынъ депутатлары фаалиетининъ теминлевине масрафлар сметасында мукяфатламакъ ичюн козьде тутулгъан пара васталары черчивесинде эда этиле.

Арекетте олгъан къанунджылыкъкъа бинаен Къырым Мухтар Джумхуриети Юкъары Радасы Реисининъ эмири иле озь векялетлигини даимийлик эсасында эда эткен Къырым Мухтар Джумхуриети Юкъары Радасынынъ депутатларына эр йыл татильге чыкъкъанда ичтимаий-турмуш меселелерини чезмек ичюн ве сагъламлаштырув макъсадынен орта айлыкъ мааштан арткъач олмагъан колемде маддий ярдым такъдим этиле».

4. Къырым Мухтар Джумхуриети Юкъары Радасынынъ 2002 сенеси 18-сентябрьде къабул олунгъан 253-3/02 санлы Къарарынен (Къырым Мухтар Джумхуриетининъ норматив-укъукъий актлар топламы, 2002 с., № 9, 962 мад.; 2004 с., № 3, 170 мад.; 2005 с., № 2, 79 мад.; 2006 с., № 6, 416 мад., № 9, 753 мад.; 2007 с., № 6, 581 мад.) тасдикълангъан Къырым Мухтар Джумхуриети Юкъары Радасынынъ Кятибиети акъкъында Низамнамесине ашагъыдаки денъишмелер кирсетильсин:

I болюкнинъ 10-нджи пунктында «укъукъий» сёзюнден сонъ «норматив» сёзюнен текмилленсин;

II болюк мезкюр мундериджели учюнджи сатырбашынен текмилленсин:

«норматив-укъукъий ве дигер актлар лейихаларыны ишлеп чыкъарувы, бойле актларнынъ лейихаларыны укъукъий, малие-икътисадий, муарриет-лингвистик ве дигер экспертизагъа огъратув»;

учюнджи-дёртюнджи сатырбашлары мувафыкъ алда дёртюнджи-бешинджи сатырбашлары сайылсын;

III болюкте:

дёртюнджи сатырбашы янъы тарирде арз этильсин:

«норматив-укъукъий ве дигер актлар лейихаларыны ишлеп чыкъарувы, лейихалар кирсеткен субъектлерге ишлеп чыкъарув ве лейихаларны уйгъунлаштырув эснасыны кечирювде къолтутув»;

мезкюр мундериджели единджи сатырбашынен текмилленсин:

«Къырым Мухтар Джумхуриети Юкъары Радасынынъ бакъымына кирсетильген норматив-укъукъий ве дигер актлар лейихаларнынъ, лейиха метнинининъ функциональ-услюбиет хусусиетлерини, терминологиянынъ умумийлештирилюви ве укъукъяратылувнынъ екяне шекильге кетирювни козьде тутаракъ, земаневий рус ве украин эдебий тиллерининъ стандарт ве нормаларына уйгъун кетирюв меселесине аит муарриет-лингвистика экспертизасы кечирилюви»;

единджи-он биринджи сатырбашлары мувафыкъ алда секизинджи-он экинджи сатырбашлары сайылсын;

мезкюр мундериджели сатырбашынен текмилленсин:

«Къырым Мухтар Джумхуриети Юкъары Радасынынъ Кятибиетине таби болюклер, болюк­лер акъкъында низамнамелерге бинаен, норматив-укъукъий ве дигер актлар лейихаларыны ишлеп чыкъара, лейихалар кирсеткен субъектлерге ишлеп чыкъарув ве лейихаларны уйгъунлаштырув эснасыны кечирювде къолтута, бойле актларнынъ лейихаларыны экспертизагъа огърата».

5. Мезкюр Къарарнынъ эда этилюв незарети Къырым Мухтар Джумхуриети Юкъары Радасынынъ илим ве тасиль боюнджа Даимий комиссиясына авале этильсин.

4. Мезкюр Къарар, 2006 сенеси 12-майыста арекетке кирсетильген 3-нджи пункттан гъайры, къабул этильген кунюнден арекетке кире.