Къырым Мухтар Джумхуриети Анаясасынынъ 26-нджы маддесиндеки экинджи къысмынынъ 8-нджи пунктына, «Къырым Мухтар Джумхуриетининъ Юкъары Радасы акъкъында» Украина Къанунынынъ 9-нджы маддесиндеки экинджи къысмынынъ 8-нджи пунктына, «Бергикаклев ёругъы акъкъында» Украина Къанунынынъ 1-нджи маддесиндеки экинджи къысмына бинаен
Къырым Мухтар Джумхуриетининъ Юкъары Радасы к ъ а р а р б е р е:
1. 2008 сенеси Къырым Мухтар Джумхуриетининъ Сагълыкъ сакълав Назирлигининъ идаре саасына кирген джумхурий муэссиселер балансында олгъан ве акъчагъа хызмет косьтерювнен багълы олмагъан бутюн накълие васталар Къырым Мухтар Джумхуриетининъ бюджетине теслим этиледжек къысмында накълие васталары ве дигер озю юрген машина ве механизмлернинъ саиплери берги тёлевинден азат этильсин.
2. Къырым Мухтар Джумхуриетиндеки озь-озюни идаре эткен органларгъа Къырым Мухтар Джумхуриетининъ Сагълыкъ сакълав Назирлигининъ идаре саасына кирген джумхурий муэссиселер балансында олгъан эм эписи севиедеки бюджетлерден малиенен теминлеген ве акъчагъа хызмет косьтерювнен багълы олмагъан накълие васталарнынъ ве дигер озю юрген машина ве механизмлернинъ саиплерини 2008 сенеси берги тёлевинден азат этмек тевсие этильсин.
3. Мезкюр Къарарнынъ эда этилюв незарети Къырым Мухтар Джумхуриети Юкъары Радасынынъ икътисадий, бюджет-малие ве берги сиясети боюнджа Даимий комиссиясына ве Къырым Мухтар Джумхуриети Юкъары Радасынынъ ичтимаий меселелер, сагълыкъны сакълав ве ветеранлар ишлери боюнджа Даимий комиссиясына авале этильсин.
4. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2007 сенеси, декабрь 19 № 692-5/07 |