«Украина весикъалар согъурта фонду акъкъында» Украина Къанунынынъ 1, 23-нджи мадделерине бинаен, Къырым Мухтар Джумхуриети иджра акимиети органларыны арбий заман я да февкъульаде вазиетлер шараитинде эалини аяттеминлев объектлер ве системлер эм де башкъа объектлерни тиклев боюнджа аджеле къарарлар къабул этмек ичюн керек олгъан весикъалар ве материалларнынъ толуколемли кочюрме нусхаларынен теминлев боюнджа малюматлар банкы яратмакъ макъсадынен,
Къырым Мухтар Джумхуриетининъ Юкъары Радасы к ъ а р а р б е р е:
1. Къырым Мухтар Джумхуриетининъ 2008 сенесине весикъалар согъурта фондунынъ яратылув Региональ программасы тасдикълансын (иляве этиле).
2. Къырым Мухтар Джумхуриетининъ Назирлер Шурасы Къырым Мухтар Джумхуриетининъ 2008 сенесине бюджет лейихасыны шекиллендиргенде Къырым Мухтар Джумхуриетининъ 2008 сенесине весикъалар согъурта фондунынъ яратылув Региональ программасыны эда этильмесине пара васталарыны козьде тутсын.
3. Мезкюр Къарарнынъ эда этильмеси незарети Къырым Мухтар Джумхуриети Юкъары Радасынынъ санайы, къуруджылыкъ, накълие, алякъа ве якъарлыкъ-энергетика комплекси боюнджа Даимий комиссиясына, Къырым Мухтар Джумхуриети Юкъары Радасынынъ икътисадий, бюджет-малие ве берги сиясети боюнджа Даимий комиссиясына авале этильсин.
4. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2007 сенеси, декабрь 19 № 691-5/07 |