Украина Назирлер Кабинетининъ 2006 сенеси 20-декабрьде къабул этильген «2007—2009 сенелерине джинаетчиликнинъ огюни алув боюнджа Комплексли программанынъ тасдикъланмасы акъкъында» 1767 санлы Къарарына, Украина Анаясасынынъ 138-нджи маддесиндеки 5-нджи пунктына, Къырым Мухтар Джумхуриети Анаясасынынъ 26-нджы маддесиндеки экинджи къысмынынъ 1, 11-нджи пунктларына бинаен, Къырым Мухтар Джумхуриетинде къанунджылыкъ ве укъукъ тертибини пекитмек макъсадынен
Къырым Мухтар Джумхуриетининъ Юкъары Радасы к ъ а р а р б е р е:
1. Къырым Мухтар Джумхуриетинде 2008—2009 сенелерине джинаетчиликнинъ огюни алув боюнджа Региональ комплексли программа тасдикълансын (иляве этиле).
2. Къырым Мухтар Джумхуриети Назирлер Шурасы Къырым Мухтар Джумхуриетининъ 2008—2009 сенелерине бюджет лейихаларыны азырлагъанда Къырым Мухтар Джумхуриетинде 2008—2009 сенелерине джинаетчиликнинъ огюни алув боюнджа Региональ комплексли программада козьде тутулгъан тедбирлерни эда этильмесине макъсатлы тахсислерни козьде тутсын.
3. Къырым Мухтар Джумхуриетинде мааллий озь-озюни идаре этюв органлары джинаетчиликнинъ огюни алув боюнджа программаларыны 2008—2009 сенелерине джинаетчиликнинъ огюни алув боюнджа Региональ комплексли программагъа уйдурсын ве мааллий бюджетлерини шекиллендиргенде, оны омюрге кечирмек ичюн пара васталарыны козьде тутсынлар.
4. Мезкюр Къарарнынъ эда этильмеси незарети Къырым Мухтар Джумхуриети Юкъары Радасынынъ укъукъий меселелери, укъукъий тертип ве февкъульаде вазиетлер боюнджа Даимий комиссиясына авале этильсин.
5. 2006 сенеси 22-сентябрьде къабул этильген 177-5/06 санлы Къарарынен тасдикълангъан Къырым Мухтар Джумхуриетинде 2006—2010 сенелерине джинаетчиликнинъ огюни алув боюнджа тедбирлер къабул этильген кунюнден алты ай девамында мезкюр Къараргъа мувафыкъ этильсин.
6. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2007 сенеси, декабрь 19 № 689-5/07 |