«Девлет ве коммуналь мулькнинъ иджареси акъкъында» Украина Къанунынынъ 19‑маддесининъ экинджи къысмына, Къырым Мухтар Джумхуриети Анаясасынынъ 26-нджы маддесиндеки экинджи къысмынынъ 1-нджи пунктына бинаен
Къырым Мухтар Джумхуриетининъ Юкъары Радасы к ъ а р а р б е р е:
1. Къырым Мухтар Джумхуриети Юкъары Радасынынъ 1998 сенеси 19-ноябрьде къабул олунгъан 274-2/98 санлы Къарарынен (Къырым Мухтар Джумхуриетининъ норматив-укъукъий актлар топламы, 1998 с., № 11, 897 мад.; 2007 с., № 5, 448 мад., № 7, 687 мад., № 10, 1005 мад.) тасдикълангъан Къырым Мухтар Джумхуриетине менсюп мулькнинъ иджареси (иджаресининъ иджареси) ичюн уджретнинъ эсаплав, такъсимлев ве файдаланув тертиби Услюбиетине ашагъыдаки денъишмелер кирсетильсин:
мезкюр Услюбиетке 2-нджи Иляведе:
14-нджи пунктта мезкюр мундериджели сатырбашы чыкъарылсын:
«шахсий окъув юртларыны»;
25-нджи пункт мезкюр мундериджели сатырбашынен текмилленсин:
«шахсий окъув юртларыны».
2. 2009 сенеси 1-июльгедже «Ходжалыкъ фаалиети саасында девлет регулятор сиясетининъ эсаслары акъкъында» Украина Къануны тайинлеген тертипте мезкюр регулятор актнынъ нетиджели олгъанынынъ текрар козетмесини кечирмек, Къырым Мухтар Джумхуриетининъ Юкъары Радасына мезкюр регулятор актнынъ нетиджели олгъанынынъ козетмеси акъкъында эсабатны такъдим этмек ве эсабатнынъ дердж этильмесини теминлемек Къырым Мухтар Джумхуриетининъ Назирлер Шурасына авале этильсин.
3. Мезкюр Къарарнынъ эда этильмеси незарети Къырым Мухтар Джумхуриети Юкъары Радасынынъ икътисадий, бюджет-малие ве берги сиясети боюнджа Даимий комиссиясына авале этильсин.
4. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2007 сенеси, ноябрь 21 № 667-5/07 |