КъМДж ЮР Къарары

КЪЫРЫМ МУХТАР ДЖУМХУРИЕТИ ЮКЪАРЫ РАДАСЫНЫНЪ 2006 СЕНЕСИ 28-ДЕКАБРЬДЕ КЪАБУЛ ОЛУНГЪАН «КЪЫРЫМ МУХТАР ДЖУМХУРИЕТИНИНЪ 2007 СЕНЕСИНЕ БЮДЖЕТИ АКЪКЪЫНДА» 315-5/06 САНЛЫ КЪАРАРЫНА ДЕНЪИШМЕЛЕР КИРСЕТИЛЬМЕСИ АКЪКЪЫНДА

Къырым Мухтар Джумхуриети Анаясасынынъ 26-нджы маддесиндеки экинджи къысмынынъ 1 ве 7-нджи пунктларына бинаен

Къырым Мухтар Джумхуриетининъ Юкъары Радасы  к ъ а р а р  б е р е:

1. Къырым Мухтар Джумхуриети Юкъары Радасынынъ 2006 сенеси 28-декабрьде къабул олунгъан «Къырым Мухтар Джумхуриетининъ 2007 сенесине бюджети акъкъында» 315-5/06 санлы Къарарына (Къырым Мухтар Джумхуриетининъ норматив-укъукъий актлар топламы, 2006 с., № 12, 1182 мад.; 2007 с., № 2, 103 мад., № 6, 582 мад., № 7, 685 мад., № 9, 869 мад., № 10, 1002 мад.) ашагъыдаки денъишмелер кирсетильсин:

1.1. 1-нджи пунктта «2371435,993» сайысы «2390223,993» сайысына денъиштирильсин, «1896469,693» сайысы «1903855,993» сайысына денъиштирильсин, «474966,3» са­йысы «486368,0» сайысына денъиштирильсин, «293615,5» сайысы «304675,0» сайысына денъиштирильсин.

1.2. 2-нджи пунктта «2391203,293» сайысы «2409991,293» сайысына денъиштирильсин, «1915336,993» сайысы «1922723,293» сайысына денъиштирильсин, «475866,3» сайысы «487268,0» сайысына денъиштирильсин.

1.3. Мезкюр мундериджели 11-3 пунктнен текмилленсин:

«11-3. Къырым Мухтар Джумхуриети 2007 сенесине бюджетинден шеэрлер ве районлар бюджетлерине 2007-2008 сенелери якъарлыкъ мевсимни кечирмекнен багълы масрафларгъа 7000,0 бинъ грн. колеминде субвенция тасдикълансын.

Къырым Мухтар Джумхуриетининъ Назирлер Шурасы юкъарыда анъылгъан субвенциянынъ файдаланув тертибини бельгилесин.

Юкъарыда анъылгъан субвенциянынъ шеэрлер ве районлар арасындаки такъсимленюви ве гъайрыдан такъсимленюви эм де сонъра Къырым Мухтар Джумхуриетининъ 2007 сенесине бюджети эда этилюви акъкъында эсабатны тасдикълагъан вакъытта, Къырым Мухтар Джумхуриетининъ Юкъары Радасы тасдикъланувы иле Къырым Мухтар Джумхуриетининъ Назирлер Шурасы тарафындан япылгъаны бельгиленсин.

1.4. Мезкюр Къарарнен тасдикълангъан 1-нджи Илявеге, «Берги киришлери», «Бергиден тыш киришлер», «Сермиянен муамелерден алынгъан келирлер», «Макъсатлы фондлар» болюк­лери, «ЭПИСИ КЕЛИРЛЕР», «ДЖУМЛЕ КЕЛИРЛЕР» сатырлары янъы тарирде арз этильген тарзда, денъишмелер кирсетильсин (иляве этиле).

1.5. Мезкюр Къарарнен тасдикълангъан 2-нджи Илявеге, 3, 6, 8, 10, 12-нджи пунктлар, «ЭПИСИ МАСРАФЛАР» сатыры, 14-нджи пункт, «ДЖУМЛЕ МАСРАФЛАР» сатыры янъы тарирде арз этильген тарзда, денъишмелер кирсетильсин (иляве этиле).

1.6. Мезкюр Къарарнен тасдикълангъан 3-нджи Илявеге, 018, 030, 081, 105, 140, 193, 221 250300 болюклери, «ДЖУМЛЕ» сатыры янъы тарирде арз этильген тарзда, денъишмелер кирсетильсин (иляве этиле).

1.7. Мезкюр Къарарнен тасдикълангъан 9-нджы Иляве янъы тарирде арз этильсин (иляве этиле).

2. Мезкюр Къарар къабул этильген кунюнден арекетке кире.