Къырым Мухтар Джумхуриети Анаясасынынъ 9-нджы маддесиндеки учюнджи къысмына ве 26-нджы маддесиндеки экинджи къысмынынъ 8-нджи пунктына бинаен
Къырым Мухтар Джумхуриетининъ Юкъары Радасы к ъ а р а р б е р е:
1. Нижнегорск районынынъ Нижнегорск шчкъ Желябова сокъагъы, 68-эвде яшагъан I группа дженк сакъаты Дятченко Григорий Зиновьевич 2007 сенеси Къырым Мухтар Джумхуриети бюджетине къошмагъа тюшкен къысмында накълие саиплеринден алынгъан берги тёленмесинден бошатылсын.
2. Ленин районы Октябрьское коюндеки Киевская сокъагъы, 111-эвде яшагъан Беленков Виктор Васильевич 2006 сенесине эсаплангъан мирас алынгъан топракъ пайы ичюн Къырым Мухтар Джумхуриети бюджетине къошмагъа тюшкен къысмында джисманий шахсларнынъ келиринден берги тёлевинден бошатылсын.
3. Мезкюр Къарарнынъ эда этильмеси незарети Къырым Мухтар Джумхуриети Юкъары Радасынынъ икътисадий, бюджет-малие ве берги сиясети боюнджа Даимий комиссиясына авале этильсин.
4. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2007 сенеси, ноябрь 21 № 665-5/07 |