«Девлет ве коммуналь мулькиетни иджареси акъкъында» Украина Къанунынынъ 14, 15‑нджи мадделерине, Къырым Мухтар Джумхуриети Юкъары Радасынынъ 1999 сенеси 21-апрельде къабул олунгъан 459-2/99 санлы Къарарынен тасдикълангъан Къырым Мухтар Джумхуриетине менсюп я да онынъ идаресине теслим этильген мулькнен идаре этюв тертиби акъкъында Низамнамесиндеки 12-пунктнынъ 12.2 пунктастына бинаен
Къырым Мухтар Джумхуриетининъ Юкъары Радасы к ъ а р а р б е р е:
1. «Промстроймонтаж» къуруджылыкъ-монтаж идареси» Джумхурий ишханесининъ бютюнлей мульк комплексини иджареге алув боюнджа Къырым Мухтар Джумхуриети Мульк фонду ве «Укрбытпромстроймонтаж» Къырым къуруджылыкъ-монтаж идареси» месулиети сынъырлангъан джемиети арасында тизильген анълашмасына бинаен «Промстроймонтаж» къуруджылыкъ-монтаж идареси» Джумхурий ишханесининъ фаалиети иджареджиси — Симферополь ш., Коммунальная сокъ., 35 адрес боюнджа ерлешкен «Укрбытпромстроймонтаж» Къырым къуруджылыкъ-монтаж идареси» месулиети сынъырлангъан джемиетине (УИТЕДР коду 33326424) къошулув ёлунен токътатылмасына изин берильсин.
2. Мезкюр Къарарнынъ эда этильмеси незарети Къырым Мухтар Джумхуриети Юкъары Радасынынъ санайы, къуруджылыкъ, накълие, алякъа ве якъарлыкъ-энергетика комплекси боюнджа Даимий комиссиясына авале этильсин.
3. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2007 сенеси, ноябрь 21 № 663-5/07 |