КъМДж ЮР Къарары

ЕР АСТЫ БАЙЛЫКЪЛАРЫНДАН ФАЙДАЛАНМАКЪ ИЧЮН МАХСУС ИЗИНЛЕР БЕРИЛЬМЕСИ АКЪКЪЫНДА РИДЖАНАМЕЛЕРНИНЪ УЙГЪУНЛАШТЫРУВЫ АКЪКЪЫНДА

Къырым Мухтар Джумхуриети Анаясасынынъ 18-нджи маддесиндеки биринджи къысмынынъ 2 ве 9-нджы пунктлары, 26-нджы маддесиндеки экинджи къысмынынъ 31-нджи пунктына, ер асты байлыкълары акъкъында Украина Кодексининъ 9-нджы маддесиндеки 2-нджи пункты, 16 ве 19-нджы мадделерине, Украина Назирлер Кабинетининъ 2007 сенеси 14-марттаки 480 санлы Къарарынен тасдикълангъан ер асты байлыкъларындан файдаланмакъ ичюн 2007 сенесинде махсус изинлер берильмеси Тертибининъ 7-нджи пунктына бинаен

Къырым Мухтар Джумхуриетининъ Юкъары Радасы  к ъ а р а р  б е р е:

1. Ер асты байлыкъларындан файдаланмакъ ичюн махсус изинлер берильмеси акъкъында риджанамелер уйгъунлаштырылсын:

1) «Солнечный» пансионаты» месулиети сынъырлангъан джемиетине (Николаевка шчкъ, Симферополь районы) – пансионатны ходжалыкъ-ичимлик сувнен теминлемек ичюн Симферополь районы Алма татлы сувлар ер догъумындаки Альминский-5 дамартысында (№ 4694 бужар) татлы ер асты сувларны чыкъармакъ ичюн;

2) Биринджи Майыс адына балыкъчылар колхозына (Жуковка территориясы, Керчь ш.) – Осовины ве Юркино койлерини сувнен теминлемек ичюн Бакъсы ер асты сувлар ер догъумында (№ 6451 бужар) амелий-истисал ишлеп чыкъарув имкяны олгъаныны геология теткъикъаты боюнджа ишлер алып бармакъ ичюн.

2. Ер асты байлыкъларындан файдаланмакъ ичюн махсус изинлернинъ арекет этюв муддетининъ девамланмасы уйгъунлаштырылсын:

1) «Надра Украины» Миллий акционер компаниясынынъ «Крымгеология» таби ишханесине (Симферополь ш.) – Ленин районында Ача перспективалы мейданда амелий-истисал ишлеп чыкъарув имкяны олгъаныны геология теткъикъаты боюнджа ишлер алып бармакъ ичюн (2002 сенеси 21-ноябрьде берильген 2137 санлы изин);

2) «Надра Украины» Миллий акционер компаниясынынъ «Крымгеология» таби ишханесине (Симферополь ш.) – Черномор районында Октябрьское перспективалы мейданда амелий-истисал ишлеп чыкъарув имкяны олгъаныны геология теткъикъаты боюнджа ишлер алып бармакъ ичюн (2002 сенеси 29-ноябрьде берильген 2154 санлы изин);

3) «Надра Украины» Миллий акционер компаниясынынъ «Крымгеология» таби ишханесине (Симферополь ш.) – Раздольный районында Ковыльное перспективалы мейданда амелий-истисал ишлеп чыкъарув имкяны олгъаныны геология теткъикъаты боюнджа ишлер алып бармакъ ичюн (2002 сенеси 21-ноябрьде берильген 2139 санлы изин);

4) «Надра Украины» Миллий акционер компаниясынынъ «Крымгеология» таби ишханесине (Симферополь ш.) – Черномор районында Красная Поляна табиий газ ер догъумында амелий-истисал ишлеп чыкъарув имкяны олгъаныны геология теткъикъаты боюнджа ишлер алып бармакъ ичюн (2002 сенеси 21-ноябрьде берильген 2138 санлы изин);

3. Мезкюр Къарар къабул этильген кунюнден арекетке кире.