Къырым Мухтар Джумхуриети Анаясасынынъ 17-нджи маддесиндеки биринджи ве экинджи къысымларына, 18-нджи маддесиндеки биринджи къысмынынъ 9-нджы пунктына, 26-нджы маддесиндеки экинджи къысмынынъ 35-нджи пунктына, «Къырым Мухтар Джумхуриетининъ Юкъары Радасы акъкъында» Украина Къанунынынъ 9-нджы маддесиндеки экинджи къысмынынъ 38-нджи пунктына, «Этрафтаки табиат муафазасыны къорумасы акъкъында» Украина Къанунынынъ 14-нджи маддесиндеки биринджи къысмынынъ «є» пунктына ве «Украинанынъ табиат-къорукъ фонду акъкъында» Украина Къанунынынъ 25, 26, 51, 52, 53-нджи мадделерине бинаен, табиат комплекслернинъ сакъланмасы ве тикленмеси макъсадынен
Къырым Мухтар Джумхуриетининъ Юкъары Радасы к ъ а р а р б е р е:
1. Илявеге бинаен умумий мейданлыгъы 1560 га олгъан, Солнечная Долина кой шурасы (Судакъ ш.) ве Щебетовка къасаба шурасынынъ (Феодосия ш.) яшалгъан нокъталары сынъырындан тыш ерлешкен табиат территориясы «Тильки корьфези – Эчки-Дагъ» мааллий эмиети олгъан ландшафт къоругъы оларакъ илян этильсин.
2. Этрафтаки табиат муафазасыны къорумасы боюнджа Къырым Мухтар Джумхуриетининъ Джумхурий комитети «Тильки корьфези – Эчки-Дагъ» мааллий эмиети олгъан ландшафт къоругъыны керекли дереджеде къорумасы ве файдаланмасы эм де онынъ сынъырлары керчеклештирильмесини теминлесин.
3. Мезкюр Къарарнынъ эда этильмеси незарети Къырым Мухтар Джумхуриети Юкъары Радасынынъ аграр ве топракъ меселелери, экология ве табиаттан анълакъсал файдаланмасы боюнджа Даимий комиссиясына авале этильсин.
4. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2007 сенеси, ноябрь 21 № 659-5/07 |