КъМДж ЮР Къарары

КЪЫРЫМ МУХТАР ДЖУМХУРИЕТИ ЮКЪАРЫ РАДАСЫНЫНЪ 2003 СЕНЕСИ 19-НОЯБРЬДЕ КЪАБУЛ ОЛУНГЪАН 736-3/03 САНЛЫ КЪАРАРЫНЕН ТАСДИКЪЛАНГЪАН МААЛЛИЙ ОЗЬ-ОЗЮНИ ИДАРЕ ЭТЮВНИНЪ ИНКИШАФ ЛЕЙИХАЛАРЫ ВЕ ПРОГРАММАЛАРЫ БУТЮНКЪЫРЫМ ЯРЫШЫ АКЪКЪЫНДА НИЗАМНАМЕСИНЕ ДЕ¬НЪИШМЕЛЕР КИРСЕТИЛЬМЕСИ АКЪКЪЫНДА

Къырым Мухтар Джумхуриети Анаясасынынъ 26-нджы маддесиндеки экинджи къысмынынъ 1-нджи пунктына бинаен

Къырым Мухтар Джумхуриетининъ Юкъары Радасы  к ъ а р а р  б е р е:

1. Къырым Мухтар Джумхуриети Юкъары Радасынынъ 2003 сенеси 19-ноябрьде къабул олунгъан 736-3/03 санлы Къарарынен (Къырым Мухтар Джумхуриетининъ норматив-укъукъий актлар топламы, 2003 с., № 11, 922 мад.; 2005 с., № 4, 261 мад., № 9, 810 мад.; 2006 с., № 6, 413 мад.; 2007 с., № 2, 98 мад.) тасдикълангъан мааллий озь-озюни идаре этювнинъ инкишафы лейихалары ве программалары Бутюнкъырым ярышынынъ Низамнамесине ашагъыдаки денъишмелер кирсетильсин:

4-нджи пунктта:

4.1 пунктастынынъ бешинджи сатырбашы чыкъарылсын;

4.2 пунктастында:

бешинджи сатырбашында «ве Къырым Мухтар Джумхуриетининъ Юкъары Радасы Президиумынынъ уйгъунлаштырылмасына такъдим эте» сёзлери чыкъарылсын;

он биринджи сатырбашы янъы тарирде арз этильсин:

«Ярыш гъалиплери акъкъында къарар кутьлевий хабер васталары векиллери огюнде тешкилий комитет азаларынынъ эксериет рейлери иле ачыкъ рей берювнен къабул олуна».

2. Мезкюр Къарар къабул этильген кунюнден арекетке кире.