КъМДж ЮР Къарары

КЪЫРЫМ МУХТАР ДЖУМХУРИЕТИ ЮКЪАРЫ РАДАСЫНЫНЪ 1999 СЕНЕСИ 21-АПРЕЛЬДЕ КЪАБУЛ ОЛУНГЪАН «КЪЫРЫМ МУХТАР ДЖУМХУРИЕТИНИНЪ ФАХРИЙ УНВАНЛАРЫ, КЪЫРЫМ МУХТАР ДЖУМХУРИЕТИНИНЪ ПАРА МУКЯФАТЛАРЫ ВЕ КЪЫРЫМ МУХТАР ДЖУМХУРИЕТИНИНЪ ДИГЕР ЯРАРЛЫКЪ АЛЯМЕТЛЕРИНИНЪ ТЕСИС ЭТИЛЮВИ АКЪКЪЫНДА» 455-2/99 САНЛЫ КЪАРАРЫНА ДЕ¬НЪИШМЕЛЕР КИРСЕТИЛЬМЕСИ АКЪКЪЫНДА

Къырым Мухтар Джумхуриети Анаясасынынъ 26-нджы маддесиндеки экинджи къысмынынъ 1-нджи пунктына, «Къырым Мухтар Джумхуриетининъ Юкъары Радасы акъкъында» Украина Къанунынынъ 9-нджы маддесиндеки экинджи къысмынынъ 1-нджи пунктына бинаен

Къырым Мухтар Джумхуриетининъ Юкъары Радасы  к ъ а р а р  б е р е:

1. Къырым Мухтар Джумхуриети Юкъары Радасынынъ 1999 сенеси 21-апрельде къабул олунгъан «Къырым Мухтар Джумхуриетининъ фахрий унванлары, Къырым Мухтар Джумхуриетининъ пара мукяфатлары ве Къырым Мухтар Джумхуриетининъ дигер ярарлыкъ аляметлерининъ тесис этилюви акъкъында» 455-2/99 санлы Къарарына (Къырым Мухтар Джумхуриетининъ норматив-укъукъий актлар топламы, 1999 с., № 4, 319 мад., № 10, 995 мад.; 2000 с., № 11, 1245 мад., № 12, 1329 мад.; 2001 с., № 11, 1217 мад.; 2002 с., № 6, 495 мад., № 7, 595 мад., № 11, 1184 мад.; 2003 с., № 9, 729 мад.; 2004 с., № 4, 311 мад.; 2005 с., № 2, 77 мад., № 4, 263 мад.; 2007 с., № 2, 95 мад.) ашагъыдаки денъишмелер кирсетильсин:

мезкюр мундериджели 3-1, 3-2 пунктларынен текмилленсин:

«3-1. «Фахрий къырымчан» унваны берильген шахсларгъа 1180 грн. микъдарында, Къырым Мухтар Джумхуриетининъ ярарлыкъ аляметлеринен такъдирленген шахсларгъа – 890 грн., Къырым Мухтар Джумхуриетининъ фахрий унванларына мунасип корюльген шахсларгъа – 590 грн. микъдарда бир керелик мукяфат тёленгени тайинленсин.

3-2. Юкъарыда анъылгъан бир керелик мукяфатлар джисманий шахснынъ бергиге огъратылгъан умумий айлыкъ ве йыллыкъ келирининъ теркибине кирсетиле ве 2003 сенеси 22 майыста къабул олунгъан «Джисманий шахсларнынъ келирлеринден берги акъкъында» 889-IV санлы Украина Къанунынынъ 7-нджи маддеси талапларына бинаен бергиге огъратыла;

мезкюр Къарарнен тасдикълангъан «Фахрий къырымчан» унваны, Къырым Мухтар Джумхуриетининъ фахрий унванлары, Къырым Мухтар Джумхуриетининъ пара мукяфатлары ве Къырым Мухтар Джумхуриетининъ дигер ярарлыкъ аляметлери акъкъында Низамнамеде:

4-нджи болюкте:

21-нджи пунктнынъ он дёртюнджи сатырбашында «10000» сайысы «15000» сайысына денъиштирильсин;

25-нджи пунктнынъ экинджи сатырбашында «энъ чокъу 3» сёзлери «бир» сёзюне денъиштирильсин.

2. Къырым Мухтар Джумхуриети Назирлер Шурасы 2008 сенесине ве ондан сонъки йылларгъа Къырым Мухтар Джумхуриети бюджетининъ лейихаларыны шекиллендиргенде мезкюр Къарарнынъ 1-нджи пунктында тайинленген колемлерде Къырым Мухтар Джумхуриетининъ бир керелик мукяфатлары ве премияларынынъ тёленмесине пара васталары козьде тутсын.

3. Мезкюр Къарарнынъ эда этильмеси незарети Къырым Мухтар Джумхуриети Юкъары Радасынынъ икътисадий, бюджет-малие ве берги сиясети боюнджа Даимий комиссиясына авале этильсин.

4. Мезкюр Къарар, 2008 сенеси 1-январьдан арекетке кирген 1-нджи пунктнынъ учюнджи сатырбашындан гъайры, къабул этильген кунюнден арекетке кире.