Къырым Мухтар Джумхуриети Анаясасынынъ 26-нджы маддесиндеки экинджи къысмынынъ 1-нджи пунктына бинаен
Къырым Мухтар Джумхуриетининъ Юкъары Радасы к ъ а р а р б е р е:
1. Къырым Мухтар Джумхуриети Юкъары Радасынынъ 2001 сенеси 21-ноябрьде къабул олунгъан «Къырымнынъ инкишафы саасындаки биринджилик ерини алгъан ёнелишлерде ильмий мувафакъиетлер ичюн» Къырым Мухтар Джумхуриетининъ стипендиялары акъкъында» 2147-2/01 санлы Къарарына (Къырым Мухтар Джумхуриетининъ норматив-укъукъий актлар топламы, 2001 с., № 11, 1215 мад.; 2004 с., № 12, 1103 мад.; 2007 с., № 9, 858 мад.) ашагъыдаки денъишме кирсетильсин:
2-нджи пункт янъы тарирде арз этильсин:
«2. Къырым Мухтар Джумхуриети Назирлер Шурасы Къырым Мухтар Джумхуриети Юкъары Радасынынъ икътисадий, бюджет-малие ве берги сиясети боюнджа Даимий комиссиясынен бераберликте эр сене Къырым Мухтар Джумхуриети бюджетининъ лейихаларыны шекиллендиргенде Къырым Мухтар Джумхуриетининъ Тасиль ве илим Назирлигине айры сатырнен III-IV аккредитация севиесиндеки алий окъув муэссиселернинъ студентлерине 3,3 энъ кучюк академик стипендиясы колеминде «Къырымнынъ инкишафы саасындаки биринджилик ерини алгъан ёнелишлерде ильмий мувафакъиетлер ичюн» 10 стипендияны малиенен теминлемек ичюн тахсислерни козьде тутсын».
2. Къырым Мухтар Джумхуриети Юкъары Радасынынъ 2002 сенеси 20-ноябрьде къабул олунгъан «Къырымнынъ яш алимлерине Къырым Мухтар Джумхуриетининъ грантлары акъкъында» 343-3/02 санлы Къарарына (Къырым Мухтар Джумхуриетининъ норматив-укъукъий актлар топламы, 2002 с., № 11, 1180 мад.; 2007 с., № 3, 186 мад.) ашагъыдаки денъишме кирсетильсин:
3-нджи пункт янъы тарирде арз этильсин:
«3. Къырым Мухтар Джумхуриети Назирлер Шурасы 2008 сенесине ве ондан сонъки йылларгъа Къырым Мухтар Джумхуриети бюджетининъ лейихаларыны шекиллендиргенде Къырым Мухтар Джумхуриетининъ Тасиль ве илим Назирлигине айры сатырнен эр бири бир йыл муддетнен эки энъ кучюк айлыкъ колемде (бир айда) Къырымнынъ яш алимлерине Къырым Мухтар Джумхуриетининъ10 грантыны малиенен теминлемек ичюн тахсислер козьде тутсын».
3. Мезкюр Къарарнынъ эда этильмеси незарети Къырым Мухтар Джумхуриети Юкъары Радасынынъ тасиль ве илим боюнджа Даимий комиссиясына авале этильсин.
4. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2007 сенеси, ноябрь 21 № 654-5/07 |