Къырым Мухтар Джумхуриети Анаясасынынъ 26-нджы маддесиндеки экинджи къысмынынъ 1-нджи пунктына бинаен
Къырым Мухтар Джумхуриетининъ Юкъары Радасы к ъ а р а р б е р е:
Къырым Мухтар Джумхуриети Юкъары Радасынынъ 2007 сенеси 19-сентябрьде къабул олунгъан «Коммуналь тедавийлев-огюни алув муэссиселернинъ ве Къырым Мухтар Джумхуриетине менсюп мулькнинъ эсасында яратылгъан тедавийлев-огюни алув муэссиселернинъ тиббият хадимлерине Къырым Мухтар Джумхуриетининъ мукяфатлары акъкъында» 559‑5/07 санлы Къарарына (Къырым Мухтар Джумхуриети Юкъары Радасынынъ норматив-укъукъий актлар топламы, 2007 с., № 9, 850 мад.) ашагъыдаки денъишмелер кирсетильсин:
4-нджи пункт янъы тарирде арз этильсин:
«4. Къырым Мухтар Джумхуриетине менсюп мулькнинъ эсасында яратылгъан тедавийлев-огюни алув муэссиселернинъ тиббият хадимлерине мукяфатлар тёлемек ичюн пара васталары Къырым Мухтар Джумхуриети бюджетинде Къырым Мухтар Джумхуриети Юкъары Радасынынъ Ишлери Идареси боюнджа айры сатырнен козьде тутулсын;
5-нджи пункт лягъу этильсин;
6-нджы пункт янъы тарирде арз этильсин:
«6. Къырым Мухтар Джумхуриети Юкъары Радасынынъ депутатлар этикасы, Юкъары Раданынъ ишини тешкилятландырув ве кутьлевий хабер васталары боюнджа Даимий комиссиясына, Къырым Мухтар Джумхуриети Юкъары Радасынынъ ичтимаий меселелер, сагълыкъны сакълав ве ветеранлар ишлери боюнджа Даимий комиссиясына коммуналь тедавийлев-огюни алув муэссиселернинъ ве Къырым Мухтар Джумхуриетине менсюп мулькнинъ эсасында яратылгъан тедавийлев-огюни алув муэссиселернинъ тиббият хадимлерине Къырым Мухтар Джумхуриети мукяфатынынъ лауреаты дипломы ве кокюс нишанынынъ нумюнелерини ве оларнынъ тарифлемесини ишлеп чыкъармакъ ве тайинленген тертипте Къырым Мухтар Джумхуриетининъ Юкъары Радасы Президиумынынъ тасдикъламасына такъдим этмек авале этильсин».
2. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2007 сенеси, ноябрь 21 № 652-5/07 |