КъМДж ЮР Къарары

2008 СЕНЕСИ КЪЫРЫМ КАРАЙЛАРЫ ВЕ КЪЫРЫМЧАКЪЛАРНЫНЪ ТАРИХИЙ-МЕДЕНИЙ МИРАСЫ САКЪЛАНМАСЫ БОЮНДЖА ТЕДБИРЛЕР АКЪКЪЫНДА

Къырым Мухтар Джумхуриети Анаясасынынъ 14-нджи маддесине бинаен, къырым карайлары ве къырымчакъларнынъ тарихий-медений мирасы сакъланмасынен багълы меселелер семерели чезильмеси макъсадынен,

Къырым Мухтар Джумхуриетининъ Юкъары Радасы  к ъ а р а р  б е р е:

1. 2008 сенеси къырым карайлары ве къырымчакъларнынъ тарихий-медений мирасыны сакъланмасы боюнджа тедбирлер тасдикълансын (иляве этиле).

2. Къырым Мухтар Джумхуриетининъ Назирлер Шурасы:

Къырым Мухтар Джумхуриетининъ 2008 сенесине бюджети лейихасыны азырлагъанда, тасдикълангъан тедбирлерни кечирильмесине 500,0 бинъ грн. микъдарда пара васталарыны козьде тутсын;

къырым карайлары ве къырымчакъларнынъ тарихий-медений мирасы сакъланмасы боюнджа тедбирлернинъ эда этильмеси ишлерини идаре этсин.

3. Къырым Мухтар Джумхуриетинде мааллий озь-озюни идаре этюв органларына:

къырым карайлары ве къырымчакъларнынъ тарихий-медений мирасы сакъланмасы боюнджа мааллий тедбирлер кечирильмесини ишлеп чыкъармакъ ве кечирмек;

2008 сенеси къырым карайлары ве къырымчакъларнынъ тарихий-медений мирасы сакъланмасы боюнджа тедбирлерни малиенен теминлемек ичюн мааллий бюджетлерде пара васталары козьде тутмакъ

тевсие этильсин.

4. Мезкюр Къарарнынъ эда этильмеси незарети Къырым Мухтар Джумхуриети Юкъары Радасынынъ миллетлерара мунасебетлер ве сюргюн олунгъан ватандашларнынъ меселелери боюнджа Даимий комиссиясына авале этильсин.

5. Мезкюр Къарар къабул этильген кунюнден арекетке кире.