КъМДж ЮР Къарары

КЪЫРЫМ МУХТАР ДЖУМХУРИЕТИ ЮКЪАРЫ РАДАСЫНЫНЪ ДЕПУТАТЫ С. К. ВЕЛИЖАНСКИЙНИНЪ ВЕКЯЛЕТЛИГИ МУДДЕТТЕН ЭВЕЛЬ ТОКЪТАТЫЛМАСЫ АКЪКЪЫНДА

Къырым Мухтар Джумхуриети Анаясасынынъ 24-нджи маддесине, «Къырым Мухтар Джумхуриетининъ Юкъары Радасы акъкъында» Украина Къанунынынъ 6-нджы маддесине, «Къырым Мухтар Джумхуриети Юкъары Радасынынъ депутаты статусы акъкъында» Украина Къанунынынъ 4-нджи маддесине бинаен ве Къырым Мухтар Джумхуриети Юкъары Радасынынъ депутаты С. К. Велижанскийнинъ шахсий аризасы олгъаны мунасебетинен

Къырым Мухтар Джумхуриетининъ Юкъары Радасы  к ъ а р а р  б е р е:

1. «Юлия Тимошенко блоку»ндан чокъмандатлы сайлав больгеде сайлангъан Къырым Мухтар Джумхуриети Юкъары Радасынынъ депутаты Сергей Константинович Велижанскийнинъ векялетлиги муддеттен эвель токътатылсын.

2. Мезкюр Къарар «Къырым Мухтар Джумхуриети Юкъары Радасынынъ, мааллий шуралар депутатлары ве кой, къасаба, шеэр галавалары сайлавлары акъкъында» Украина Къанунынынъ 78-нджи маддесине бинаен укюм чыкъарылмасы ичюн Къырым Мухтар Джумхуриети сайлав комиссиясына ёлланылсын.

3. Мезкюр Къарар къабул этильген кунюнден арекетке кире.