Къырым Мухтар Джумхуриети Анаясасынынъ 18-нджи маддесиндеки биринджи къысмынынъ 17-нджи пунктына, «Сагълыкъ сакълав акъкъында Украина къанунджылыгъынынъ эсаслары» Украина Къанунынынъ 13-нджи маддесине, Украина Назирлер Кабинетининъ 2002 сенеси 11-июльде къабул олунгъан «Ватандашларгъа бедава кефалетли девлет тиббият ярдымы берильмеси Программасынынъ тасдикъланмасы акъкъында» 955 санлы Къарарына бинаен, сагълыгъыны сакълав ве тиббият ярдымына ватандашларнынъ акъларыны теминлемек макъсадынен
Къырым Мухтар Джумхуриетининъ Юкъары Радасы к ъ а р а р б е р е:
1. 2008-2012 сенелерине «Къырымчанларнынъ сагълыгъы» Къырым Мухтар Джумхуриетининъ Программасы тасдикълансын (иляве этиле).
2. Къырым Мухтар Джумхуриетининъ Назирлер Шурасы 2008 сенесинден башлап Къырым Мухтар Джумхуриети бюджетининъ лейихаларыны азырлагъанда, сагълыкъ сакълав саасынынъ кечиндирмесине айырылгъан пара васталары черчивесинде юкъарыда анъылгъан Программанынъ эда этильмесине макъсатлы тахсислер козьде тутсын.
3. Къырым Мухтар Джумхуриетинде шеэр шураларынынъ иджра комитетлери ве район девлет мемуриетлерине юкъарыда анъылгъан Программаны эда этильмеси боюнджа тедбирлерни ишлеп чыкъармакъ ве тасдикъламакъ, оларны малиенен теминлемек тевсие этильсин.
4. Мезкюр Къарарнынъ эда этильмеси незарети Къырым Мухтар Джумхуриети Юкъары Радасынынъ ичтимаий меселелер, сагълыкъны сакълав ве ветеранлар ишлери боюнджа Даимий комиссиясына авале этильсин.
5. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2007 сенеси, ноябрь 21 № 644-5/07 |