Постановление ВР АРК (регуляторный акт)

КЪЫРЫМ МУХТАР ДЖУМХУРИЕТИ ЮКЪАРЫ РАДАСЫНЫНЪ 1998 СЕНЕСИ 19-НОЯБРЬДЕ КЪАБУЛ ОЛУНГЪАН 274-2/98 САНЛЫ КЪАРАРЫНЕН ТАСДИКЪЛАНГЪАН КЪЫРЫМ МУХТАР ДЖУМХУРИЕТИНЕ МЕНСЮП МУЛЬКНИНЪ ИДЖАРЕСИ (ИДЖАРЕСИНИНЪ ИДЖАРЕСИ) ИЧЮН УДЖРЕТНИНЪ ЭСАПЛАВ, ТАКЪСИМЛЕВ ВЕ ФАЙДАЛАНУВ ТЕРТИБИ УСЛЮБИЕТИНЕ ДЕНЪИШМЕЛЕР КИРСЕТИЛЬМЕСИ АКЪКЪЫНДА

Украина Анаясасынынъ 138-нджи маддесиндеки биринджи къысмынынъ 3-нджи пунктына, «Девлет ве коммуналь мулькнинъ иджареси акъкъында» Украина Къанунынынъ 19-маддесининъ экинджи къысмына, Къырым Мухтар Джумхуриети Анаясасынынъ 26-нджы маддесиндеки экинджи къысмынынъ 1-нджи пунктына бинаен

Къырым Мухтар Джумхуриетининъ Юкъары Радасы  к ъ а р а р  б е р е:

1. Къырым Мухтар Джумхуриети Юкъары Радасынынъ 1998 сенеси 19-ноябрьде къабул олунгъан 274-2/98 санлы Къарарынен (Къырым Мухтар Джумхуриетининъ норматив-укъукъий актлар топламы, 1998 с., № 11, 897 мад.; 2007 с., № 5, 448 свд., № 7, 687 мад.) тасдикълангъан Къырым Мухтар Джумхуриетине менсюп мулькнинъ иджареси (иджаресининъ иджареси) ичюн уджретнинъ эсаплав, такъсимлев ве файдаланув тертиби Услюбиетине ашагъыдаки денъишмелер кирсетильсин:

1.1. V болюкнинъ 2-нджи пункты янъы тарирде арз этильсин:

«2. Иджареге бериджи озь тешеббюси иле я да джисманий ве адлиевий шахыслар тарафындан (эгер такъдим этильген аризалар ичинде ишханенинъ, тешкилятнынъ эмек коллективи я да оларнынъ къурум болюги яраткъан ходжалыкъ джемиеттен (бутюн мульк комплекс иджареге алынаджакъ олса), бюджет муэссисеси, тешкиляты (ташынмаз мульк иджареге алынса) иджаре акъкъында ариза олмаса) ариза (аризалар) олгъан тарзда беш кунь муддет ичинде Къырым Мухтар Джумхуриетининъ мунасип мулькюнен идаре этмеге векялетли олгъан органны ярыш кечириледжеги акъкъында хабердар эте.

Мунасип мулькнен идаре этмеге векялетли олгъан орган хаберни алгъан сонъ 10 кунь муддет ичинде иджареге бериджи ве Къырым Мухтар Джумхуриети Юкъары Радасына ашагъыдаки весикъаларны такъдим этмели:

мезкюр объектнинъ иджареси ясакъ этильмегени акъкъында хуляса;

ярыш шартлары ве иджаре анълашмасына аит тевсиелер;

иджаре объектине (бина, иншаатлар, одалар учь ве зидяде йылдан берли иджареде олса) мулькиет акъкъы акъкъында шеадетнаменинъ кочюрме нусхасы;

мунасип мулькнен идаре этмеге векялетли олгъан орган тарафындан ярыш комиссиясы­нынъ теркибине намзети боюнджа тевсие;

эгер этрафтаки табиат муитни муафазасы, ичтимаий-медений тайинленмеси олгъан объектлернинъ ляйыкъ кечиндирюви шараитлерине риает этмек меселелерини бакъылмасынен багълы олса, — мааллий озь-озюни идаре этюв органдан ярыш комиссиясы теркибине намзет боюнджа тевсие;

медений мирас олгъан объект иджареге берильсе, — медений мирас олгъан объектлерни муафаза этюв меселелерини чезген органдан ярыш комиссиясы теркибине намзет боюнджа тевсие.

Иджареге бериджи ярыш кечирмек шартлары ве иджаре анълашмасыны Къырым Мухтар Джумхуриети Юкъары Радасынынъ икътисадий, бюджет-малие ве берги сиясети боюнджа Даимий комиссиясы ве Къырым Мухтар Джумхуриети Юкъары Радасынынъ саиплештирюв меселелери боюнджа Незарет комиссиясынен уйгъунлаштыргъан сонъ ярыш илян этиле».

1.2. Къырым Мухтар Джумхуриетине менсюп мулькнинъ иджареси (иджаресининъ иджареси) ичюн уджретнинъ эсаплав, такъсимлев ве файдаланув тертиби Услюбиетине 2-нджи Иляве янъы тарирде арз этильсин (иляве этиле).

2. Иджареге бериджи ве иджареге алыджы иле эвель япылгъан иджаре анълашмалары­нынъ тарафлары олгъан мунасип мулькнен идаре этмеге векялетли олгъан органлар, мулькнинъ иджареси толгъан сонъ, иджаре анълашмасынынъ муддети девам этильсе, янъыдан иджареге берильсе я да дигер иджареге алыджынен анълашма япылса, иджаре анълашмалар ве иджаре уджретнинъ эсапланмасы мезкюр Къараргъа мувафыкъ кетирильсин.

3. Къырым Мухтар Джумхуриетининъ Мульк Фонду Къырым Мухтар Джумхуриетине менсюп мулькнинъ иджареси (иджаресининъ иджареси) ичюн уджретнинъ эсаплав, такъсимлев ве файдаланув тертиби Услюбиетини ишлетмек меселелери боюнджа анълатувлар бермеге векялетли тайинленсин.

4. Къырым Мухтар джумхуриетинде район ве шеэр шураларына Украина Назирлер Кабинетининъ 1995 сенеси 4-октябрьде къабул этильген 786 санлы Къарарынен (Украина Назирлер Кабинетининъ 2006 сенеси 27-декабрьде къабул этильген «Девлет мулькнинъ иджареси ичюн тёлевнинъ эсаплав, такъсимлев ве файдаланув тертиби Услюбиетине денъишмелер кирсетильмеси акъкъында» 1846 санлы Къарарынынъ муаррирлигинде) тасдикълангъан девлет мулькнинъ иджареси ичюн уджретнинъ эсаплав, такъсимлев ве файдаланув тертиби Услюбиетине 2-нджи Илявеге бинаен коммуналь ташынмаз мульнен файдаланув ичюн иджаре уджрети къулланмасы имкяны акъкъында меселе бакъмаларыны тевсие этильсин.

5. Къырым Мухтар Джумхуриети Мульк Фонду 2009 сенесининъ 1-июльгедже Къырым Мухтар Джумхуриетининъ Юкъары Радасына Къырым Мухтар Джумхуриетине менсюп мульк­нинъ иджареси (иджаресининъ иджареси) ичюн уджретнинъ эсаплав, такъсимлев ве файдаланув тертиби Услюбиети семерелилигининъ дефа талилини кечирмеси авале этильсин.

6. Мезкюр Къарарнынъ эда этильмеси незарети Къырым Мухтар Джумхуриети Юкъары Радасынынъ икътисадий, бюджет-малие ве берги сиясети боюнджа Даимий комиссиясына ве Къырым Мухтар Джумхуриети Юкъары Радасынынъ саиплештирюв меселелери боюнджа Незарет комиссиясына авале этильсин.

7. Мезкюр Къарар къабул этильген кунюнден арекетке кире.