КъМДж ЮР Къарары

КЪЫРЫМ МУХТАР ДЖУМХУРИЕТИ ЮКЪАРЫ РАДАСЫНЫНЪ 2006 СЕНЕСИ 22-СЕНТЯБРЬДЕ КЪАБУЛ ОЛУНГЪАН 177-5/06 САНЛЫ КЪАРАРЫНЕН ТАСДИКЪЛАНГЪАН КЪЫРЫМ МУХТАР ДЖУМХУРИЕТИНДЕ 2006—2010 СЕНЕЛЕРИНЕ ДЖИНАЕТЧИЛИКНИНЪ ОГЮНИ АЛУВ БОЮНДЖА ТЕДБИРЛЕРНИ МАЛИЕНЕН ТЕМИНЛЕВИНЕ АИТ БАЗЫ КЪЫРЫМ МУХТАР ДЖУМХУРИЕТИ ЮКЪАРЫ РАДАСЫНЫНЪ КЪАРАРЛАРЫНА ДЕНЪИШМЕЛЕР КИРСЕТИЛЬМЕСИ АКЪКЪЫНДА

Къырым Мухтар Джумхуриети Анаясасынынъ 18-нджи мкддесиндеки биринджи къысмынынъ 1-нджи пунктына, 26-нджы маддесиндеки экинджи къысмынынъ 1, 13-нджи пунктларына, Къырым Мухтар Джумхуриети Юкъары Радасынынъ 2006 сенеси 28-декабрьде къабул олунгъан «Къырым Мухтар Джумхуриетининъ 2007 сенесине бюджети акъкъында» 315-5/06 санлы Къарарына бинаен

Къырым Мухтар Джумхуриетининъ Юкъары Радасы  к ъ а р а р  б е р е:

1. Къырым Мухтар Джумхуриети Юкъары Радасынынъ 2006 сенеси 22-сентябрьде къабул олунгъан 177-5/06 санлы Къарарынен (Къырым Мухтар Джумхуриетининъ норматив-укъукъий актлар топламы, 2006 с., № 9, 742 мад., № 11, 1009 мад.; 2007 с., № 4, 311 мад., № 9, 860 мад.) тасдикълангъан Къырым Мухтар Джумхуриетинде 2006—2010 сенелерине джинаетчиликнинъ огюни алув боюнджа тедбирлерге ашагъыдаки денъишме кирсетильсин:

1-нджи пунктнынъ 1.1, 1.2, 1.3 пунктастлары, 4-нджи пунктнынъ 4.5, 4.6 пунктастлары, 7‑нджи пунктнынъ 7.2, 7.4 пунктастлары, 9-нджы пунктнынъ 9.2 пунктасты, 10-нджы пунктнынъ 10.2 пунктасты ашагъыдаки эда этиджи иле текмилленсин:

«Къырым Мухтар Джумхуриети ве Севастополь ш. Украина Хавфсызлыкъ хызметининъ арбий контрразведка Идареси (Р 9777 арбий къысым)»;

9-нджы пунктта:

9.4 пунктасты мезкюр мундериджели бешинджи сатырбашынен текмилленсин:

«Сакъчылар ве къаравуллыкъ астында булунгъан махкемеге огъратылгъанлар ичюн Совет район махкемесинде хане къуруджылыгъы ёкюнленсин»;

мезкюр мундериджели 9.14, 9.15, 9.16 пунктастларынен текмилленсин:

«9.14. Арбий дарбе васталарны къанунсыз сатылмасы ве техник джеэттен хавфлы объектлерде февкъульаде вазиет пейда олмасынынъ огюни алмакъ макъсадынен Къырым Мухтар Джумхуриети ве Севастополь ш. Украина Хавфсызлыкъ хызметининъ арбий контрразведка Идаресининъ (Р 9777 арбий къысым) маддий-техника темелини къавийлештирмеси боюнджа тедбирлер кечирильсин.

Эда этиджилер: Къырым Мухтар Джумхуриети ве Севастополь ш. Украина Хавфсызлыкъ хызметининъ арбий контрразведка Идареси (Р 9777 арбий къысым)

Эда этилюв муддети: 2007—2009 сенелери

9.15. Махкеме джерьяны керекли шараитте алып барылмасы макъсадынен Къырым Мухтар Джумхуриети Ходжалыкъ махкемесининъ маддий-техника темели къавийлештирмек боюнджа тедбирлер кечирильсин.

Эда этиджилер: Къырым Мухтар Джумхуриетинде Ходжалыкъ махкемеси

Эда этилюв муддети: 2007—2009 сенелери

9.16. Аджеле тедбирлер кечирильмеси, шу джумледен, терроризмнинъ огюни алув боюн­джа ве февкъульаде вазиетлер шараитинде мухтариетнинъ силялы къуветлери ве Къырым Мухтар Джумхуриетининъ реберлери укюмет алякъасынен тайинленген тертипте теминленсин.

Эда этиджилер: Къырым Мухтар Джумхуриетинде Украина махсус алякъа ве хабер-малюмат къорчалав Девлет хызмети Идареси

Эда этилюв муддети: 2007—2009 сенелери».

2. Къырым Мухтар Джумхуриети Юкъары Радасынынъ 2007 сенеси 23-майыста къабул олунгъан «Къырым Мухтар Джумхуриети Юкъары Радасынынъ 2006 сенеси 22-сентябрьде къабул олунгъан 177-5/06 санлы Къарарынен тасдикълангъан Къырым Мухтар Джумхуриетинде 2006—2010 сенелерине джинаетчиликнинъ огюни алув боюнджа тедбирлернинъ эда этильмесине Къырым Мухтар Джумхуриети бюджетинде 2007 сенесине тахсислер такъсимленмеси акъкъында» 462-5/07 санлы Къарарына (Къырым Мухтар Джумхуриетининъ норматив-укъукъий актлар топламы, 2007 с., № 5, 440 мад.) ашагъыдаки денъишме кирсетильсин:

1-нджи пунктнынъ экинджи сатырбашында «АПП-2 «Дельфин» сёзлери «АПП-4 (2705)» сёзлерине денъиштирильсин.

3. Къырым Мухтар Джумхуриети Юкъары Радасынынъ 2007 сенеси 19-сентябрьде къабул олунгъан «Къырым Мухтар Джумхуриети Юкъары Радасынынъ 2006 сенеси 22-сентябрьде къабул олунгъан 177-5/06 санлы Къарарынен тасдикълангъан Къырым Мухтар Джумхуриетинде 2006—2010 сенелерине джинаетчиликнинъ огюни алув боюнджа тедбирлерге денъишмелер кирсетильмеси ве оларнынъ эда этильмесине тахсислер такъсимленюви акъкъында» 569-5/07 санлы Къарарына (Къырым Мухтар Джумхуриетининъ норматив-укъукъий актлар топламы, 2007 с., № 9, 860 мад.) ашагъыдаки денъишмелер кирсетильсин:

2-нджи пунктта:

биринджи сатырбашында «2000,0 бинъ грн. микъдарында» сёзлери чыкъарылсын;

алтынджы сатырбашында «5 дане ДЕО-Сенс» сёзлери «3 дане Daewoo «Lanos» сёзлерине денъиштирильсин;

мезкюр мундериджели сатырбашларынен текмилленсин:

«Къырым Мухтар Джумхуриети ве Севастополь ш. Украина Хавфсызлыкъ хызметининъ арбий контрразведка Идаресине (Р 9777 арбий къысым) — 90,0 бинъ грн. (Daewoo «Lanos» автомобили ве ВАЗ-2107 автомобили сатын алынмасына);

Къырым Мухтар Джумхуриетинде Девлет махкеме мемуриетининъ территориаль идаресине — 90,0 бинъ грн. (сакъчылар ве къаравуллыкъ астында булунгъан махкемеге огъратылгъанлар ичюн Совет район махкемесинде хане къуруджылыгъы ёкюнленмесине);

Къырым Мухтар Джумхуриети Ходжалыкъ махкемесине — 90,0 бинъ грн. (видеокозетюв ичюн донатмалар сатын алынмасына ве къурамасына);

Къырым Мухтар Джумхуриетинде Украина махсус алякъа ве хабер-малюмат къорчалав Девлет хызмети Идаресине — 40,0 бинъ грн. (Къырым Мухтар Джумхуриетининъ реберлери ве мухтариетнинъ силялы къуветлерине хызмет косьтермек ичюн укюмет алякъасынынъ янъы бугъумы — оптик-йип ёлакълар эсасында къорчалангъан электрон почтасынынъ яратмасы боюнджа донатмалар комплекти алынмасына);

Къырым Мухтар Джумхуриетинде Девлет берги мемуриетине — 40,0 бинъ грн. (Симферополь ш. девлет берги инспекциясынынъ берги милициясы шеэр болюгине, Симферополь районларара девлет берги инспекциянынъ берги милициясы болюгине ве берги милициянынъ Идаресине компьютер техникасы сатын алынмасына).

4. Къырым Мухтар Джумхуриети Юкъары Радасынынъ 2007 сенеси 22-мартта къабул олунгъан «Къырым Мухтар Джумхуриетининъ 2007 сенесине Икътисадий ве ичтимаий инкишафы Программасы акъкъында» 386-5/07 санлы Къарарына (Къырым Мухтар Джумхуриетининъ норматив-укъукъий актлар топламы, 2007 с., № 3, 180 мад., № 9, 855 мад.) ашагъыдаки денъишмелер кирсетильсин:

мезкюр Къарарнен тасдикълангъан Къырым Мухтар Джумхуриетининъ 2007 сенесине Икътисадий ве ичтимаий инкишафы Программасында:

2-нджи Иляведе:

110-нджы сатыр янъы тарирде арз этильсин:

111-нджи сатырда:

4-нджи графа «Ярослав Мудрый адына Украина миллий адлие академиясы, Къырым илимлер академиясы, КъМДж-де Украина ФВН баш Идареси, Украина Адлие Назирлигининъ Къырым махкеме экспертизалары ильмий-теткъикъий институты, КъМДж Апелляция махкемеси, Къырым Мухтар Джумхуриети ве Севастополь ш. Украина Хавфсызлыкъ хызметининъ арбий контрразведка Идареси (Р 9777 арбий къысым), КъМДж Ходжалыкъ махкемеси, Къырым Мухтар Джумхуриетинде Украина махсус алякъа ве хабер-малюмат къорчалав Девлет хызмети Идареси» сёзлеринен текмилленсин;

6-нджы графада «КъМДж бюджети — 1,5 млн. грн.» сёзлери «КъМДж бюджети — 3,85 млн. грн.»;

4-нджи Иляведе:

мезкюр мундериджели 21-нджи сатырнен текмилленсин:

 «ЭПИСИ» сатырында «38668,5» сайысы «38868,5» сайысына денъиштирильсин.

5. Мезкюр Къарарнынъ эда этильмеси незарети Къырым Мухтар Джумхуриети Юкъары Радасынынъ укъукъий меселелер, укъукъий тертип ве февкъульаде вазиетлер боюнджа Даимий комиссиясына ве Къырым Мухтар Джумхуриети Юкъары Радасынынъ икътисадий, бюджет-малие ве берги сиясети боюнджа Даимий комиссиясына авале этильсин.

6. Мезкюр Къарар къабул этильген кунюнден арекетке кире.