КъМДж ЮР Къарары

ОБЪЕКТЛЕРНИНЪ ЕРЛЕШЮВ ЕРЛЕРИ МАТЕРИАЛЛАРЫНЫ УЙГЪУНЛАШТЫРЫЛМАСЫ АКЪКЪЫНДА

Къырым Мухтар Джумхуриети Анаясасынынъ 26-нджы маддесиндеки экинджи къысмынынъ 1, 31-нджи пунктлары, Украина Топракъ кодексининъ 7-нджи маддеси ве 151-нджи маддесиндеки докъузынджы къысмына бинаен

Къырым Мухтар Джумхуриетининъ Юкъары Радасы  к ъ а р а р  б е р е:

1. Объектлернинъ ерлешюв ери материаллары уйгъунлаштырылсын:

1.1. «Гранит» шахсий ишханесине — Сизовка кой шурасы (Сакъ районы) яшалгъан нокъталарынынъ сынъырларындан тыш койходжалыкъ макъсадында ишлетильген ихтият топракъларында (26,5 га) пычма киречташлар чыкъарылгъан карьерини ачмакъ ичюн;

1.2. «Черноморнефтегаз» девлет акционер джемиетине — Щёлкино шеэр шурасы (Ленин районы) яшалгъан нокъталарынынъ сынъырларындан тыш (6,98 га) Ленин девлет дагъходжа­лыкъ ишханесининъ ихтият топракъларында Семеновский ермай догъумында къошма бужарлар ерлештирмек ичюн;

1.3. «Черноморнефтегаз» девлет акционер джемиетине — Лобановское, Крымское, Ярковское кой шуралары (Джанкой районы) яшалгъан нокъталарынынъ сынъырларындан тыш (0,9 га) Джанкой ер догъумындаки бужарларгъа алып баргъан ёлларны ерлештирмек ичюн;

1.4. «Черноморнефтегаз» девлет акционер джемиетине — Окуневка кой шурасы (Черномор районы) яшалгъан нокъталарынынъ сынъырларындан тыш (0,0225 га) ихтият топракъларында антенна диреги ве радиореле алякъасы дирекасты иншаатлары къуруджыгъына эм де онъа хызмет этюв ичюн.

2. Мезкюр Къарар къабул этильген кунюнден арекетке кире.