КъМДж ЮР Къарары

ЕР АСТЫ БАЙЛЫКЪЛАРЫНДАН ФАЙДАЛАНМАКЪ ИЧЮН МАХСУС ИЗИНЛЕР БЕРИЛЬМЕСИ АКЪКЪЫНДА РИДЖАНАМЕЛЕРНИНЪ УЙГЪУНЛАШТЫРУВЫ АКЪКЪЫНДА

Къырым Мухтар Джумхуриети Анаясасынынъ 18-нджи маддесиндеки биринджи къысмынынъ 2 ве 9-нджы пунктлары, 26-нджы маддесиндеки экинджи къысмынынъ 31-нджи пунктына, ер асты байлыкълары акъкъында Украина Кодексининъ 9-нджы маддесиндеки 2-нджи пункты, 16 ве 19-нджы мадделерине, Украина Назирлер Кабинетининъ 2007 сенеси 14-марттаки 480 санлы Къарарынен тасдикълангъан ер асты байлыкъларындан файдаланмакъ ичюн 2007 сенесинде махсус изинлер берильмеси Тертибининъ 7-нджи пунктына бинаен

Къырым Мухтар Джумхуриетининъ Юкъары Радасы  к ъ а р а р  б е р е:

1. Ер асты байлыкъларындан файдаланмакъ ичюн махсус изинлер берильмеси акъкъында риджанамелер уйгъунлаштырылсын:

1) «Риф-Сервис» (Прибрежная ст., Сакъ районы) месулиети сынъырлангъан джемиетине — ишханенинъ ходжалыкъ-турмуш теминлеви макъсадынен Сакъ районы Альминский ер догъумындаки Сакъ дамартысында (№ 6300 бужар) ер асты татлы сувлар чыкъармасы ичюн;

2) «Тедавийлейиджи чокъракъ» (Кривой Рог ш., Днепропетровск виляети) месулиети сынъыр­лангъан джемиетине — Черномор районында ер асты сувлар Шималь Сиваш ер догъумынынъ «Тедавийлейиджи чокъракъ» дамартысында (№ 5288 бужар) амелий-истисал ишлеп чыкъарув имкяны олгъаны геология теткъикъаты боюнджа ишлер алып бармакъ ичюн;

3) «Аква» (Раздольное шчкъ, Раздольный районы) коммуналь ишханесине — кой ерлеринде яшалгъан нокталарны сувнен теминлемек макъсадынен Раздольный районындаки Шималь Сиваш ер догъумынынъ Раздольный дамартысында (№№ 3687, 3688, 3689, 3690, 3691 бужарлар) ер асты сувларны чыкъармакъ ичюн;

4) «Плато» (Оленевка к., Черномор районы) месулиети сынъырлангъан джемиетине — Черномор районынынъ пычма киречташлар Оленевский ер догъумында (Дженюп дамартысы) амелий-истисал ишлеп чыкъарув имкяны олгъаны геология теткъикъаты боюнджа ишлер алып бармакъ ичюн;

5) «Аэросвит Курорт» (Ялта ш., Форос шчкъ) месулиети сынъырлангъан джемиетине — Санаторий «Форос», «Заря» объекти ве Форос шчкъ ходжалыкъ-ичимлик сувнен теминлемек макъсадынен Гъарп-Къырым ер догъумынынъ Гъарп дамартысында («Форос-Чокъракъ» № 407/20 ве «Сувукъ-Су» № 395/18 чокъракълары) ер асты татлы сувларны чыкъармакъ ичюн;

6) «Судакъ» турист-сагъламлаштырув комплекси» ачыкъ акционер джемиети — комплекс­ни ходжалыкъ-ичимлик сувнен теминлемек макъсадынен Судакъ ер догъумынынъ Къараджа-Къарагъач дамартысында (№ 6688, № 6689 бужарлары ве № 6851 шахта къуюсы) ер асты татлы сувларны чыкъармакъ ичюн;

7) «Судакъ» турист-сагъламлаштырув комплекси» ачыкъ акционер джемиети — комплекс­ни ходжалыкъ-ичимлик сувнен теминлемек макъсадынен Судакъ ер догъумынынъ Шаркъ дамартысында (№ 6709, № 6836 бужарлары) ер асты татлы сувларны чыкъармакъ ичюн.

2. «Мирный» (Сенокосное к., Раздольный районы) кой фермер ходжалыгъына Раздольный районындаки Сенокосное пычма киречташлар ер догъумында дивар ташны ишлеп чыкъармакъ макъсадынен ер асты байлыкъларындан файдаланмакъ ичюн махсус изиннинъ муддетини девамламасы (30.12.2005-те имзалангъан № 3810 ер асты байлыкълардан файдаланмакъ ичюн махсуцс изин) уйгъунлаштырылсын.

3. Мезкюр Къарар къабул этильген кунюнден арекетке кире.