КъМДж ЮР Къарары

КЪЫРЫМ МУХТАР ДЖУМХУРИЕТИНИНЪ 1997 СЕНЕСИ 19-ИЮНЬДЕ КЪАБУЛ ОЛУНГЪАН «АВДЖЫЛЫКЪ АРСАЛАРЫНЫ ВАКЪТЫНДЖА ЧОКЪ МУДДЕТЛИ КЪУЛЛАНУВГЪА БЕРИЛЬМЕСИ АКЪКЪЫНДА» 1229-1 САНЛЫ КЪАРАРЫНА ДЕНЪИШМЕЛЕР КИРСЕТИЛЬМЕСИ АКЪКЪЫНДА

Украина Анаясасынынъ 137-нджи маддесиндеки биринджи къысмынынъ 8-нджи пунктына, Къырым Мухтар Джумхуриети Анаясасынынъ 18-нджи маддесиндеки биринджи къысмынынъ 1, 2-нджи пунктлары, 26-нджы маддесиндеки экинджи къысмынынъ 1, 31-нджи пунктларына, «Къырым Мухтар Джумхуриетининъ Юкъары Радасы акъкъында» Украина Къанунынынъ 9 нджы маддесиндеки биринджи къысмынынъ 8-нджи пунктына, «Айванат дюньясы акъкъында» Украина Къанунынынъ 15-нджи маддесине, «Авджылыкъ ходжалыгъы ве авджылыкъ акъкъында» Украина Къанунынынъ 9, 22-нджи мадделерине бинаен

Къырым Мухтар Джумхуриетининъ Юкъары Радасы  к ъ а р а р  б е р е:

1. Симферополь районынынъ территориясында ерлешкен «Симферополь РАИБ» месулиети сынъырлангъан джемиетине 50,4 бинъ га мейданлыкъта авджылыкъ арсалары 15 йыл мудеттине чокъмуддетли къулланувгъа такъдим этильсин.

2. Къырым Мухтар Джумхуриети Юкъары Радасынынъ 1997 сенеси 19-июньде къабул олунгъан «Авджылыкъ арсаларыны вакътынджа чокъ муддетли къулланувгъа берильмеси акъкъында» 1229-1 санлы Къарарына (Къырым Джумхуриетининъ къанунджылыкъ джыйынтыгъы, 1997с., № 6, 399 мад., № 11, 783 мад.; Къырым Мухтар Джумхуриетининъ норматив-укъукъий актлар топламы, 1999 с., № 2, 110 мад., № 6, 581 мад., № 8, 847 мад.; 2001 с., № 11, 1220 мад.; 2002 с., № 7, 597 мад.; 2004 с., № 10, 895 мад.; 2006 с., № 9, 747 мад.; 2007 с., № 6, 574 мад., № 9, 864 мад.) ашагъыдаки денъишме кирсетильсин:

мезкюр Къарарнынъ Илявесинде 7-нджи пункт мезкюр мундериджели 7.10 пунктастынен текмилленсин:

«7.10. «Симферополь РАИБ» месулиети сынъырлангъан джемиетине (ОКПО 35003822) — 50,4 бинъ га мейданлыкъта авджылыкъ арсаларыны Симферополь районынынъ территориясында ашагъыдаки сынъырларда:

шимальден — Симферополь — Красноперекопск автоёлу бою Симферополь районынынъ сынырларындан Белогорск районынынъ сынъырларына къадар;

шаркътан — Симферополь районынынъ шаркъ сынъырындан Первомай кой шурасынынъ сынъырына къадар, сонъра Новоандреевка кой шурасынынъ дженюп сынъыры бою орман ёлагъы бою, Красное к. кенары бою, Салгъыр озенининъ сагъ тарафы бою Красная Зорька к. къадар, сонъра автоёл бою Симферополь ш. сынъырына къадар, сонъра Симферополь ш. сынъыры бою, Мирное кой шурасынынъ шималь ве гъарб сынъырларындан Дубки к. къадар, сонъра автоёл бою Молочное к. къадар, багъча дамартыларынынъ сынъырлары бою, демир ёл бою Чистенькое к. къадар, сонъра Симферополь — Севастополь автоёлу бою Багъчасарай районынынъ сынъырларына къадар;

дженюптен — Симферополь — Севастополь автоёлундан Симферополь районынынъ сынъыры бою Къара денъиз ялысына къадар;

гъарптан — Къара денъиз ялысы бою Симферополь районынынъ сынъырлары черчивесинде».

3. Мезкюр Къарарнынъ эда этильмеси незарети Къырым Мухтар Джумхуриети Юкъары Радасынынъ аграр ве топракъ меселелери, экология ве табиаттан анълакъсал файдаланув боюнджа Даимий комиссиясына авале этильсин.

4. Мезкюр Къарар къабул этильген кунюнден арекетке кире.