КъМДж ЮР Къарары

КЪЫРЫМ МУХТАР ДЖУМХУРИЕТИНИНЪ ЮКЪАРЫ РАДАСЫНДА ДЕПУТАТЛАР ФРАКЦИЯЛАРЫ ВЕ КОАЛИЦИЯЛАРЫ АКЪКЪЫНДА НИЗАМНАМЕСИ АКЪКЪЫНДА

Къырым Мухтар Джумхуриети Анаясасынынъ 26-нджы маддесиндеки экинджи къысмынынъ 1-нджи пунктына, «Къырым Мухтар Джумхуриети Юкъары Радасы акъкъында» Украина Къанунынынъ 9-нджы маддесиндеки экинджи къысмынынъ 1-нджи пунктына, 15-1 маддесине, «Къырым Мухтар Джумхуриети Юкъары Радасынынъ депутаты статусы акъкъында» Украина Къанунынынъ 21, 22, 23-нджи мадделерине, Къырым Мухтар Джумхуриети Юкъары Радасынынъ Регламентине бинаен

Къырым Мухтар Джумхуриетининъ Юкъары Радасы  к ъ а р а р  б е р е:

1. Къырым Мухтар Джумхуриетининъ Юкъары Радасында депутатлар фракциялары ве коалициялары акъкъында Низамнаме тасдикълансын (иляве этиле).

2. Къырым Мухтар Джумхуриети Юкъары Радасынынъ 1998 сенеси 30-июньде къабул олунгъан 109-II санлы Къарарынен (Къырым Мухтар Джумхуриетининъ норматив-укъукъий актлар топламы, 1998 с., № 6, 388 мад., № 7, 471 мад.; 1999 с., № 8, 837 мад., № 11, 1115 мад.; 2000 с., № 2, 75 мад.; 2001 с., № 6, 563 мад.; 2002 с., № 5, 328 мад.; 2003 с., № 3, 212 мад.; 2004 с., № 6, 535 мад.; 2006 с., № 7, 496 мад., № 10, 887 мад.; 2007 с., № 4, 316 мад.) тасдикълангъан Къырым Мухтар Джумхуриети Юкъары Радасынынъ Регламентининъ 6-нджы маддесиндеки 12 нджи пункты янъы тарирде арз этильсин.

«12) Къырым Мухтар Джумхуриетининъ Юкъары Радасында депутатлар фракциялары ве коалициялары акъкъында Низамнаме».

3. Къырым Мухтар Джумхуриети Юкъары Радасынынъ 2003 сенеси 17-сентябрьде къабул олунгъан 679-3/03 санлы Къарарынен (Къырым Мухтар Джумхуриетининъ норматив-укъукъий актлар топламы, 2003 с., № 9, 732 мад.; 2006 с., № 6, 417 мад.; 2007 с., № 5, 437 мад.) тасдикълангъан Къырым Мухтар Джумхуриети Юкъары Радасы депутатларынынъ фаалиети теминленмеси акъкъында Низамнамесине ашагъыдаки денъишмелер кирсетильсин:

4-нджи пунктнынъ 4.4 пунктастында «группаларны ве» сёзлери чыкъарылсын;

мезкюр Низамнаменинъ Илявесинде:

серлевада «группаларны» сёзю чыкъарылсын.

4. Къырым Мухтар Джумхуриети Юкъары Радасынынъ ашагъыдаки:

1998 сенеси 30-июньдеки «Къырым Мухтар Джумхуриети Юкъары Радасынынъ депутатлар группалары, фракциялары акъкъында Мувакъкъат низамнамеси акъкъында» 111-II санлы (Къырым Мухтар Джумхуриетининъ норматив-укъукъий актлар топламы, 1998 с., № 6, 390 мад.; 2002 с., № 10, 1066 мад.);

2002 сенеси 18-октябрьдеки «1998 сенеси 30-июньде къабул олунгъан Къырым Мухтар Джумхуриети Юкъары Радасынынъ Къарарынен тасдикълангъан Къырым Мухтар Джумхуриети Юкъары Радасынынъ депутатлар группалары, фракциялары акъкъында Мувакъкъат низамнамесине денъишмелер ве текмиллевлер кирсетильмеси акъкъында» 299-3/02 санлы (Къырым Мухтар Джумхуриетининъ норматив-укъукъий актлар топламы, 2002 с., № 10, 1066 мад.)

къарарлары кучюни джойгъан киби танылсын.

5. Мезкюр Къарар къабул этильген кунюнден арекетке кире.