Къырым Мухтар Джумхуриети Анаясасынынъ 18-нджи маддесиндеки биринджи къысмынынъ 10-нджы пункты, 26-нджы маддесиндеки экинджи къысмынынъ 1-нджи пунктына бинаен, бюджет васталарыны макъсатлы ве семерели къулланувыны теминлемек макъсадынен
Къырым Мухтар Джумхуриетининъ Юкъары Радасы к ъ а р а р б е р е:
1. Къырым Мухтар Джумхуриети Юкъары Радасынынъ 2004 сенеси 20-октябрьде къабул олунгъан 1087-4/04 санлы Къарарынен (Къырым Мухтар Джумхуриетининъ норматив-укъукъий актлар топламы, 2004 с., № 10, 883 мад., №12, 1082 мад.; 2006 с., № 7, 503 мад.) тасдикълангъан Къырым Мухтар Джумхуриети бюджети эсабындан темелли къуруджылыкъ объектлерининъ малиенен теминлеви ве битирильген къуруджылыкъ объектлерни ходжалыкъ субъектлерининъ къулланувына теслим этюв тертиби акъкъында Низамнамеге ашагъыдаки денъишме кирсетильсин:
3-нджи пунктнынъ 3.13 пунктасты янъы тарирде арз этильсин:
«3.13. Джумхуриет темелли салымларны тамир ишлерине (темелли тамирлевден гъайры), санайы махсулат чыкъармакъ ве сатын алмакъны малиенен теминлемеси, онынъ сынавларыны кечирмеси ве сертификатны бермеси, лизинг шартынен койходжалыкъ техникасыны сатын алувнен багълы тедбирлер кечирильмеси ясакъ этиле».
2. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2007 сенеси, октябрь 24 № 611-5/07 |