КъМДж ЮР Къарары

КЪЫРЫМ МУХТАР ДЖУМХУРИЕТИНИНЪ ТЕРРИТОРИЯСЫНДА РЕКЛАМА ЕРЛЕШТИРЮВ БАЗЫ МЕСЕЛЕЛЕРИ АКЪКЪЫНДА

Къырым Мухтар Джумхуриети Анаясасынынъ 16-нджы маддесине, «Тютюн малларынынъ ичмеси ве оларнынъ эали сагълыгъына зарарлы тесирини эксильтмек ве огюни алмакъ боюнджа тедбирлер акъкъында» Украина Къанунынынъ 8, 14 ве 15-нджи мадделерине, «Планлаштырув ве территорияларда къуруджылыкъ акъкъында» Украина Къанунынынъ 22, 23-нджи мадделерине, «Шеэркъуруджылыгъы эсаслары акъкъында» Украина Къанунынынъ 10-нджы маддесине, «Реклама акъкъында» Украина Къанунынынъ 16-нджы маддесине, «Балалыкъны къорув акъкъында» Украина Къанунынынъ 20-нджи маддесине, Къырым Мухтар Джумхуриети Юкъары Радасынынъ 2002 сенеси 18-сентябрьде къабул олунгъан 241-3/02 санлы Къарарынен тасдикълангъан Къырым Мухтар Джумхуриетинде къуруджылыкъ ве территориалардан файдаланув Региональ къаиделерининъ V болюгиндеки 3-нджи пунктына бинаен, балалар ве яшлар алкоголь ичимлик­лери ве тютюн малларыны ичмелери, балаларны ве яшларны къумар оюнларына алышмалары, джемиетнинъ эйиаллылыгъына маневий зарар кетирильмекнинъ огюни алмакъ макъсадынен

Къырым Мухтар Джумхуриетининъ Юкъары Радасы  к ъ а р а р  б е р е:

1. Къырым Мухтар Джумхуриетине менсюп мулькнинъ теркибине кирген объектлерде алкоголь ичимликлери ве тютюн маллары, къумар оюнлар хызмети рекламасыны ерлештирильмеси ясакъ этильсин.

2. Къырым Мухтар Джумхуриетининъ Назирлер Шурасы:

Къырым Мухтар Джумхуриетининъ реклама саасында региональ сиясетининъ стратегик ёнелишлерини ишлеп чыкъаргъанда, ичтимаий реклама, шу джумледен, сагълам омюр тарзы тешвикъатына ве балалар эм де яшлар арасында алкоголь ичимликлери ве тютюн маллары ичмекнинъ огюни алув кибилерни даркъатмакъ биринджилик еринде сайсын;

Къырым Мухтар Джумхуриетининъ территориясында алкоголь ичимликлери ве тютюн маллары, къумар оюнлары бизнесининъ рекламасы даркъатылувы мониторингини кечирмеси боюнджа ишчи группа яратсын.

3. Къырым Мухтар Джумхуриетинде мааллий озь-озюни идаре этюв органларына тевсие этильсин:

коммуналь мулькиети объектлеринде алкоголь ичимликлери ве тютюн маллары рекламасыны ерлештирмек ясакъ этсинлер;

мезкюр территорияларда реклама сиясети, шу джумледен, алкоголь ичимликлери ве тютюн маллары, къумар оюнлары бизнесининъ коммерция рекламасынынъ микъдар сынъырлавыны козьде туткъан эм де балалар ве яшлар арасында алкоголь ичимликлери ве тютюн малларыны ичмек, балаларны ве яшларны къумар оюнларына джельп этмекнинъ огю алынмасына догърулгъан региональ стратегиясыны ишлеп чыкъарсынлар;

алкоголь ичимликлери ве тютюн маллары рекламасына даир Украинанынъ арекетте олгъан къанунджылыгъы тайнленген сынъырлавларны козьде туткъан тарзда яшалгъан нокъталар ве дигер территорияларнынъ корьгезме-хабер фезасыны коммерция рекламасыны ерлештирилювине къулланмакъ ичюн уйгъунлаштырув ве изинлер берювни эда этсинлер.

4. Мезкюр Къарар къабул этильген кунюнден арекетке кире.