«1941—1945 сенелерининъ Улу Ватан дженкинде Гъалебенинъ эбедийлештирюви акъкъында» Украина Къануны, Къырым Мухтар Джумхуриети Анаясасынынъ 15-нджи маддесине, 18‑нджи маддесиндеки биринджи къысмынынъ 17-нджи пунктына, 26-нджы маддесиндеки экинджи къысмынынъ 1-нджи пунктына бинаен, 1941—1945 сенелери Улу Ватан дженкининъ Гъалебесине 65 йыл толмасыны тантаналы къайд этмек ичюн азырлыкъ корюльгени себебинден, эляк олгъан аскерлернинъ къараманлыгъына урьмет беслемек ве олар акъкъында хатыраны эбедийлештирмек, арбий арекетлер нетиджесинде эляк олгъанларнынъ джесетлерини гъайрыдан коммек ве хатырасыны эбедийлештирмек, хаберсиз гъайып олгъан совет аскерлернинъ арбий къабирлерини къыдырувына къолтутмакъ макъсадынен
Къырым Мухтар Джумхуриетининъ Юкъары Радасы к ъ а р а р б е р е:
1. Къырым Мухтар Джумхуриетининъ территориясында 1941—1945 сенелерининъ Улу Ватан дженкинде эляк олгъан хаберсиз гъайып олгъан совет аскерлернинъ арбий къабирлерини къыдырмакъ, джесетлерини гъайрыдан коммек ве хатырасыны эбедийлештирмек боюнджа 2008—2010 сенелерине «Аскерни тапмакъ!» тедбирлер тасдикълансын (иляве этиле).
2. Къырым Мухтар Джумхуриетининъ Назирлер Шурасы 2008 ве илеридеки сенелерге Къырым Мухтар Джумхуриетининъ бюджети лейихаларыны азырлагъанда мезкюр Къарарнынъ 1-нджи пунктында тасдикълангъан Тедбирлернинъ кечирильмесине пара васталары козьде тутсын.
3. Мезкюр Къарарнынъ эда этильмеси незарети Къырым Мухтар Джумхуриети Юкъары Радасынынъ медениет, яшлар ишлери ве спорт боюнджа Даимий комиссиясына, Къырым Мухтар Джумхуриети Юкъары Радасынынъ илим ве тасиль боюнджа Даимий комиссиясына авале этильсин.
4. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2007 сенеси, октябрь 24 № 607-5/07 |