КъМДж ЮР Къарары

ОЛИМПИЯ СПОРТ ЧЕШИТЛЕРИ, ЭМ ДЕ ОЛИМПИЯ ОЮНЛАРЫНЫНЪ ПРОГРАММАСЫНА КИРМЕГЕН СПОРТ ЧЕШИТЛЕРИ БОЮНДЖА ЕТЕКЧИ СПОРТЧЫЛАР ВЕ ОЛАРНЫНЪ УСТАЗЛАРЫНА КЪЫРЫМ МУХТАР ДЖУМХУРИЕТИНИНЪ СТИПЕНДИЯЛАРЫ АКЪКЪЫНДА

Къырым Мухтар Джумхуриети Анаясасынынъ 9-нджы маддесиндеки учюнджи къысмынынъ 2-нджи пунктына бинаен, Къырым Мухтар Джумхуриетинде олимпия арекетининъ инкишафына къолтутув, Къырым Мухтар Джумхуриетининъ спортчыларына маневий ве маддий къолтутув, спорт фаалиетине сильтем берювнинъ арекетчен механизмини кирсетмек макъсадынен

Къырым Мухтар Джумхуриетининъ Юкъары Радасы  к ъ а р а р  б е р е:

1. Олимпия спорт чешитлери, эм де Олимпия оюнларынынъ программасына кирмеген спорт чешитлери боюнджа етекчи спортчылар ве оларнынъ устазларына Къырым Мухтар Джумхуриетининъ стипендиялары акъкъында Низамнаме тасдикълансын (иляве этиле).

2. Къырым Мухтар Джумхуриетининъ Назирлер Шурасы Къырым Мухтар Джумхуриети Юкъары Радасынынъ икътисадият, бюджет-малие ве берги сиясети боюнджа Даимий комиссия­сынен бераберликте 2008 сенесинден башлап, Къырым Мухтар Джумхуриетининъ бюджети лейихаларыны шекиллендиргенде, Къырым Мухтар Джумхуриети Юкъары Радасынынъ медениет, яшлар ишлери ве спорт боюнджа Даимий комиссиясыны малиенен теминлевине козьде тутулгъан пара васталары эсабындан Олимпия спорт чешитлери, эм де Олимпия оюнларынынъ программасына кирмеген спорт чешитлери боюнджа етекчи спортчылар ве оларнынъ устазларына Къырым Мухтар Джумхуриетининъ он стипендиясыны малиенен теминлемек ичюн тахсислер айырылмасыны козьде тутсынлар.

3. Мезкюр Къарарнынъ эда этильмеси незарети Къырым Мухтар Джумхуриети Юкъары Радасынынъ медениет, яшлар ишлери ве спорт боюнджа Даимий комиссиясына авале этильсин.

4. Мезкюр Къарар къабул этильген кунюнден арекетке кире.