2007 сенеси 19-февральде къабул этильген Украина Назирлер Кабинетининъ «2010 сенесине къадар муддетке къорантагъа къолтутув Джумхуриет программасынынъ тасдикъланмасы акъкъында» 244 санлы Къарарыны эда этмек ичюн, джисманий джеэттен сагълам, маддий ве ичтимаий эйиаллыгъы олгъан къорантанынъ арекет этмеси ве маневий инкишафы ичюн тешкилий-укъукъий, ичтимаий ве икътисадий шараитлер яратмакъ, къоранта озь эсас вазифесини эда этювини теминлемек макъсадынен
Къырым Мухтар Джумхуриетининъ Юкъары Радасы к ъ а р а р б е р е:
1. 2007—2010 сенелерине къорантагъа къолтутув Джумхуриет программасы тасдикълансын (иляве этиле).
2. Къырым Мухтар Джумхуриетининъ Назирлер Шурасы 2008—2010 сенелерине Къырым Мухтар Джумхуриетининъ бюджети лейихаларыны шекиллендиргенде 2007—2010 сенелерине къорантагъа къолтутув Джумхуриет программасынынъ омюрге кечирилювине пара васталары козьде тутсын.
3. Къырым Мухтар Джумхуриетинде мааллий озь-озюни идаре этюв органлары ве район девлет мемуриетлерине эр сене мааллий бюджетлерининъ лейихаларыны шекиллендиргенде 2007—2010 сенелерине къорантагъа къолтутув Джумхуриет программасынынъ омюрге кечирилювине пара васталары козьде тутмалары тевсие этильсин.
4. Мезкюр Къарарнынъ эда этильмеси незарети Къырым Мухтар Джумхуриети Юкъары Радасынынъ медениет, яшлар ишлери ве спорт боюнджа Даимий комиссиясына авале этильсин.
5. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2007 сенеси, июль 27 № 605-5/07 |