КъМДж ЮР Къарары

КЪЫРЫМ МУХТАР ДЖУМХУРИЕТИ ЮКЪАРЫ РАДАСЫНЫНЪ 2006 СЕНЕСИ 28-ДЕКАБРЬДЕ КЪАБУЛ ОЛУНГЪАН «КЪЫРЫМ МУХТАР ДЖУМХУРИЕТИНИНЪ 2007 СЕНЕСИНЕ БЮДЖЕТИ АКЪКЪЫНДА» 315-5/06 САНЛЫ КЪАРАРЫНА ДЕНЪИШМЕЛЕР КИРСЕТИЛЬМЕСИ АКЪКЪЫНДА

Къырым Мухтар Джумхуриети Анаясасынынъ 26-нджы маддесиндеки экинджи къысмынынъ 1 ве 7-нджи пунктларына бинаен

Къырым Мухтар Джумхуриетининъ Юкъары Радасы  к ъ а р а р  б е р е:

1. Къырым Мухтар Джумхуриети Юкъары Радасынынъ 2006 сенеси 28-декабрьде къабул олунгъан «Къырым Мухтар Джумхуриетининъ 2007 сенесине бюджети акъкъында» 315-5/06 санлы Къарарына (Къырым Мухтар Джумхуриетининъ норматив-укъукъий актлар топламы, 2006 с., № 12, 1182 мад.; 2007 с., № 2, 103 мад., № 6, 582 мад., № 7, 685 мад.) ашагъыдаки де­нъишмелер кирсетильсин:

1.1. 1-нджи пунктта «2340094,98» сайысы «2341594,98» сайысына денъиштирильсин, «468751,1» сайысы «470251,1» сайысына денъиштирильсин, «287505,3» сайысы «288900,3» сайы­сына денъиштирильсин.

1.2. 2-нджи пунктта «2359162,28» сайысы «2360662,28» сайысына денъиштирильсин, «468951,1» сайысы «470451,1» сайысына денъиштирильсин.

1.3. 36-нджы пункт мезкюр мундериджели 36.11 пунктастынен текмилленсин:

«36.11. Илериде Къырым Мухтар Джумхуриети Юкъары Радасында тасдикъламасынен Къырым Мухтар Джумхуриети Юкъары Радасынынъ икътисадият, бюджет-малие ве берги сиясети боюнджа Даимий комиссиясынен уйгъунлаштырып, агъымдаки бюджет муддетининъ башына тюшкен пара васталары къалымтыларыны козьде тутаракъ, Джумхурий (Къырым Мухтар Джумхуриетининъ) этрафтаки табиат муитини муафаза этюв фондуна киришлер арткъаны эсабындан табиат къорув тедбирлер ичюн 2007 сенеси шеэрлер ве районлар бюджетлерине айырыл­гъан Къырым Мухтар Джумхуриети бюджетининъ махсус фонднынъ субвенциялары, Къырым Мухтар Джумхуриети бюджетининъ васталарыны баш такъсимлейиджилери боюнджа (ФКК 240601, 240602, 240603, 240604) табиат къорув тедбирлерине Мухтар Джумхуриети бюджетининъ махсус фондундан планлаштырылгъан макъсатлы тахсислер арттырылсын».

1.4. Мезкюр Къарарнен тасдикълангъан 1-нджи Илявеге «Сермиянен муамеледен алынгъан келирлер», «Макъсатлы фондлар» болюклери, «ЭПИСИ МАСРАФЛАР», «ДЖУМЛЕ МАСРАФЛАР» сатырлары янъы тарирде арз этильген тарзда, денъишмелер кирсетильсин (иляве этиле).

1.5. Мезкюр Къарарнен тасдикълангъан 2-нджи Илявеге 8, 12 пунктлары, «ЭПИСИ МАС­РАФЛАР» сатыры, 14-нджи пунктнынъ «14. Ресмий трансфертлер», «Къырым Мухтар Джумхуриети бюджетинден шеэрлер ве районлар бюджетлерине Къырым Мухтар Джумхуриетининъ мулькю олгъан ве саиплештирюв джерьянында исляат этильген ишханелернинъ темель фондуна кирмеген мескен фондунынъ (шу джумледен ятакъханелер) объектлери ве ичтимаий-медений макъсатта ишлетильген объектлерининъ коммуналь мулькиетке теслим этювнен багълы масрафларны малиенен теминлемек ичюн субвенция» сатырлары, «ДЖУМЛЕ МАСРАФЛАР» сатыры янъы тарирде арз этильген тарзда, денъишмелер кирсетильсин (иляве этиле).

1.6. Мезкюр Къарарнен тасдикълангъан 3-нджи Илявеге 081, 193 болюклери, 221 250300 болюкнинъ «КъМДж Малие Назирлиги (шеэр шуралары иджра комитетлери, район девлет мемуриетлери ичюн)», «18. КъМДж бюджетинден шеэрлер ве районлар бюджетлерине КъМДж мулькю олгъан ве саиплештирюв джерьянында исляат этильген ишханелернинъ темель фондуна кирмеген мескен фондунынъ (шу джумледен ятакъханелер) объектлери ве ичтимаий-медений макъсатта ишлетильген объектлерининъ коммуналь мулькиетке теслим этювнен багълы масрафларны малиенен теминлемек ичюн субвенция» сатырлары, «ДЖУМЛЕ» сатыры янъы тарирде арз этильген тарзда, денъишмелер кирсетильсин (иляве этиле).

2. Мезкюр Къарар къабул этильген кунюнден арекетке кире.