КъМДж ЮР Къарары

КЪЫРЫМ МУХТАР ДЖУМХУРИЕТИ ЮКЪАРЫ РАДАСЫНЫНЪ КЪЫРЫМ МУХТАР ДЖУМХУРИЕТИ ЮКЪАРЫ РАДАСЫНЫНЪ 2006 СЕНЕСИ 22-НОЯБРЬДЕ КЪАБУЛ ОЛУНГЪАН «КЪЫРЫМ МУХТАР ДЖУМХУРИЕТИНДЕ 2007 СЕНЕСИНЕ МААЛЛИЙ ОЗЬ-ОЗЮНИ ИДАРЕ ЭТЮВГЕ КЪОЛТУТУВ ВЕ ИНКИШАФ ЭТТИРЮВ КОМПЛЕКСЛИ ПЛАН АКЪКЪЫНДА» 264-5/06 САНЛЫ КЪАРАРЫНА ДЕНЪИШМЕЛЕР КИРСЕТИЛЬМЕСИ АКЪКЪЫНДА

Къырым Мухтар Джумхуриети Анаясасынынъ 26-нджы маддесиндеки экинджи къысмынынъ 1-нджи пунктына бинаен

Къырым Мухтар Джумхуриетининъ Юкъары Радасы  к ъ а р а р  б е р е:

1. Къырым Мухтар Джумхуриети Юкъары Радасынынъ 2006 сенеси 22-ноябрьде къабул олунгъан «Къырым Мухтар Джумхуриетинде 2007 сенесине мааллий озь-озюни идаре этювге къолтутув ве инкишаф эттирюв Комплексли план акъкъында» 264-5/06 санлы Къарарына (Къырым Мухтар Джумхуриетининъ норматив-укъукъий актлар топламы, 2006 с., № 11, 1020 мад.; 2007 с., № 2, 99 мад.) ашагъыдаки денъишмелер кирсетильсин:

мезкюр мундериджели 5-1 пунктнен текмилленсин:

«5-1. Къырым Мухтар Джумхуриети Юкъары Радасынынъ Ишлери идареси Комплексли план тедбирлерини малиенен теминлесин ве онынъ омюрге кечирильмеси ичюн айырылгъан пара васталарынынъ макъсатлы къулланмасыны незарет этсин;

Комплексли план тедбирлерининъ малиенен теминлеви Къырым Мухтар Джумхуриетининъ 2007 сенеси бюджетинде козьде тутулгъан тахсислер черчивесинде эда этильсин».

2. Мезкюр Къарар къабул этильген кунюнден арекетке кире.