КъМДж ЮР Къарары

ЕР АСТЫ БАЙЛЫКЪЛАРЫНДАН ФАЙДАЛАНМАКЪ ИЧЮН МАХСУС ИЗИНЛЕР БЕРИЛЬМЕСИ АКЪКЪЫНДА РИДЖАНАМЕЛЕРНИНЪ УЙГЪУНЛАШТЫРУВЫ АКЪКЪЫНДА

Къырым Мухтар Джумхуриети Анаясасынынъ 18-нджи маддесиндеки биринджи къысмынынъ 2 ве 9-нджы пунктлары, 26-нджы маддесиндеки экинджи къысмынынъ 31-нджи пунктына, ер асты байлыкълары акъкъында Украина Кодексининъ 9-нджы маддесиндеки 2-нджи пункты, 16 ве 19-нджы мадделерине, Украина Назирлер Кабинетининъ 2007 сенеси 14-марттаки 480 санлы Къарарынен тасдикълангъан ер асты байлыкъларындан файдаланмакъ ичюн 2007 сенесинде махсус изинлер берильмеси Тертибининъ 7-нджи пунктына бинаен

Къырым Мухтар Джумхуриетининъ Юкъары Радасы  к ъ а р а р  б е р е:

1. Ер асты байлыкъларындан файдаланмакъ ичюн махсус изинлер берильмеси акъкъында риджанамелер уйгъунлаштырылсын:

1) «Прибой» Сакъ район ходжалыкъара раатлыкъ базасы коммуналь ишханесине (Сакъ ш.) — раатлыкъ базасыны ходжалыкъ-ичимлик сувнен теминлемек макъсадынен Сакъ ш. Алма ер догъумынынъ Альминский-2 арсасында (№ 4349 бужар) ер асты татлы сувлар чыкъармакъ ичюн;

2) «Укрпрофздравница» япыкъ акционер джемиетининъ ана-бабалары иле балалар ичюн «Приморье» клиника санаторийси» таби ишханесине — бальнеологик тедавийлев макъсадынен Евпатория ш. Евпатория минераль сувлар ер догъумынынъ «Приморье» арсасында (6-рк, 7-рк бужарлары) минераль сувлар чыкъармакъ ичюн;

3) «Красная Поляна» койходжалыкъ истисалджы кооперативине (Черномор районы, Красная Поляна к.) — Черномор районы Глебовский пычма киречташлар ер догъумында дивар ташы къазып чыкъармакъ ичюн;

4) «КрымТоргПред» шахсий ишханесине (Симферополь районы, Перово к.) — Красногвардейск районы Колодезный пычма киречташлар ер догъумында дивар ташы къазып чыкъармакъ ичюн;

5) «Охотниково» коллектив койходжалыкъ ишханесине (Сакъ районы, Охотниково к.) Сакъ районы Ново-Журавлёвский пычма киречташлар ер догъумында дивар ташы къазып чыкъармакъ ичюн;

6) «Крымспецстрой» шахсий ишханесине (Красногвардейск районы, Октябрьское шчкъ) Красногвардейск районы Ново-Зуевский пычма киречташлар ер догъумында дивар ташы чыкъармакъ ичюн;

7) «Укртелеком» ачыкъ акционер джемиетине (Киев ш.) — «Укртелеком» ААДж Къырым филиалынынъ ичтимаий-турмуш макъсады олгъан Меркезини ходжалыкъ-ичимлик сувнен теминлемек ичюн Багъчасарай районындаки Алма ер асты татлы сувлар ер догъумынынъ Вилино-1 арсасында № 94 бужары ер асты татлы сувлар чыкъармакъ ичюн;

8) «Дорожник-61» истисал кооперативине (Белогорск ш.) — Белогорск районы Шималь Чонгъар пычма киречташлар ер догъумында амелий-истисал ишлеп чыкъарув имкяны олгъаныны геология теткъикъаты боюнджа ишлер алып бармакъ ичюн.

2. Мезкюр Къарар къабул этильген кунюнден арекетке кире.