КъМДж ЮР Къарары

КЪЫРЫМ МУХТАР ДЖУМХУРИЕТИНИНЪ 1997 СЕНЕСИ 19-ИЮНЬДЕ КЪАБУЛ ОЛУНГЪАН «АВДЖЫЛЫКЪ АРСАЛАРЫНЫ ВАКЪТЫНДЖА ЧОКЪ МУДДЕТЛИ КЪУЛЛАНУВГЪА БЕРИЛЬМЕСИ АКЪКЪЫНДА» 1229-1 САНЛЫ КЪАРАРЫНА ДЕНЪИШМЕЛЕР КИРСЕТИЛЬМЕСИ АКЪКЪЫНДА

Украина Анаясасынынъ 137-нджи маддесиндеки биринджи къысмынынъ 8-нджи пунктына, Къырым Мухтар Джумхуриети Анаясасынынъ 18-нджи маддесиндеки 1-нджи къысмынынъ 1, 2-нджи пунктлары, 26-нджы маддесиндеки 2-нджи къысмынынъ 1 ве 31-нджи пунктларына, «Къырым Мухтар Джумхуриетининъ Юкъары Радасы акъкъында» Украина Къанунынынъ 9-нджы маддесиндеки биринджи къысмынынъ 8-нджи пунктына, «Айванат дюньясы акъкъында» Украина Къанунынынъ 15-нджи маддесине, «Авджылыкъ ходжалыгъы ве авджылыкъ акъкъында» Украина Къанунынынъ 9, 22-нджи ве 23-нджи маддесиндеки биринджи къысмынынъ учюнджи сатырбашына бинаен

Къырым Мухтар Джумхуриетининъ Юкъары Радасы  к ъ а р а р  б е р е:

1. Авджылар ве балыкъчылар Къырым джумхурий джемиетининъ Джанкой район тешкиляты 108,0 бинъ га мейданлыгъы сынъырларында ерлешкен авджылыкъ арсаларындан файдаланмакъ акъкъындан марум этильсин:

шимальден — Красноперекоп районынынъ шаркъ сынъырдан Шималь Къырым каналы бою кечкен Джанкой-Красноперекопск автоёлу боюнджа, сонъра Шималь Къырым каналы боюнджа Победное к. къадар, сонъра Джанкой-Славянское автоёлу бою Ново-Константиновка к. къошулгъан еринедже, сонъра автоёл бою Ново-Фёдоровка, Светлое койлеринден кечип Бородино к. дженюп тарафындан Просторное ве Светлое кой шураларынынъ мемурий сынъырлары боюнджа Нижнегорск районынынъ мемурий сынъырына къадар;

шаркъ, дженюп, гъарптан — Джанкой районынынъ мемурий сынъырлары боюнджа.

2. Къырым Мухтар Джумхуриети Юкъары Радасынынъ 1997 сенеси 19-июньде къабул олунгъан «Авджылыкъ арсаларыны вакътынджа чокъ муддетли къулланувгъа берильмеси акъкъында» 1229-1 санлы Къарарына (Къырым Джумхуриетининъ къанунджылыкъ джыйынтыгъы, 1997 с., № 6, 399 мад., № 11, 783 мад.; Къырым Мухтар Джумхуриетининъ норматив-укъукъий актлар топламы, 1999 с., № 2, 110 мад., № 6, 581 мад., № 8, 847 мад.; 2001 с., № 11, 1220 мад.; 2002 с., № 7, 597 мад.; 2004 с., № 10, 895 мад.; 2006 с., № 9, 747 мад.; 2007 с., № 6, 574 мад.) ашагъыдаки денъишме кирсетильсин:

4-нджи пунктнынъ 4.3 пунктасты янъы тарирде арз этильсин:

«4.3. АБКъДжДж Джанкой район тешкилятына — 90,0 бинъ га умумий мейданлыгъы сынъырларында авджылыкъ арсалары:

шимальден — Сиваш голюнден кечкен Джанкой районы мемурий сынъырлары боюнджа Медведево ве Чайкино кой шураларынынъ мемурий сынъырларына къадар;

шаркътан — Белотук лиманы тюбюнден кечкен Медведево ве Чайкино кой шураларынынъ мемурий сынъырлары боюнджа Джанкой-Мелитополь автоёлунен чатышкъандже;

дженюптен — Шималь Къырым каналы бою кечкен Джанкой-Красноперекоп автоёлу боюнджа Красноперекоп районынынъ сынъырына къадар;

гъарптан — Джанкой ве Красноперекоп районларынынъ мемурий сынъырлары боюнджа Херсон виляети мемурий сынъырынадже».

3. Мезкюр Къарар къабул этильген кунюнден арекетке кире.