КъМДж ЮР Къарары

КЪЫРЫМ МУХТАР ДЖУМХУРИЕТИНДЕ 2007—2010 СЕНЕЛЕРИ КОЙ ВЕ ЕШИЛЬ ТУРИЗМ ИНКИШАФЫ ПРОГРАММАСЫ АКЪКЪЫНДА

Къырым Мухтар Джумхуриети Анаясасынынъ 26-нджы маддесиндеки экинджи къысмынынъ 11-нджи пунктына бинаен, Украина Назирлер Кабинетининъ 2006 сенеси 3-июльде къабул олунгъан «2007—2010 сенелери кой туризми инкишафына девлет къолтутувы боюнджа тедбирлер планы тасдикъланмасы акъкъында» 373-р санлы эмирини Къырым Мухтар Джумхуриетинде отмюрге кечирмек макъсадынен

Къырым Мухтар Джумхуриетининъ Юкъары Радасы  к ъ а р а р  б е р е:

1. Къырым Мухтар Джумхуриетинде 2007—2010 сенелери кой ве ешиль туризм инкишафы Программасы тасдикълансын (иляве этиле).

2. Къырым Мухтар Джумхуриетининъ Назирлер Шурасына авале этильсин:

2.1. Къырым Мухтар Джумхуриетинде 2007—2010 сенелери кой ве ешиль туризм инкишафы Программасынынъ эда этильмеси теминлесин.

2.2. Къырым Мухтар Джумхуриети бюджетининъ лейихаларыны шекиллендиргенде эр сене Къырым Мухтар Джумхуриетининъ мувафыкъ назирликлер ве джумхурий комитетлерине айырылгъан васталар сынъырында 2007—2010 сенелери кой ве ешиль туризм инкишафы Программасынынъ отмюрге кечирильмеси боюнджа тедбирлер эда этильмесине тахсислер козьде тутсын.

3. Къырым Мухтар Джумхуриетиндеки мааллий озь-озюни идаре этюв органларына мааллий бюджетлерининъ лейихаларыны шекиллендиргенде эр сене Къырым Мухтар Джумхуриетинде 2007—2010 сенелери кой ве ешиль туризм инкишафы Программасынынъ тедбирлери омюрге кечирильмесине пара васталары козьде тутулсын.

4. Мезкюр Къарарнынъ эда этильмеси незарети Къырым Мухтар Джумхуриети Юкъары Радасынынъ рекреацион, санаторий-курорт комплекслери ве туризм боюнджа Даимий комиссиясына авале этильсин.

5. Мезкюр Къарар къабул этильген кунюнден арекетке кире.