КъМДж ЮР Къарары

КЪЫРЫМ МУХТАР ДЖУМХУРИЕТИНДЕ 2007—2011 СЕНЕЛЕРИ ДЖИСМАНИЙ МЕДЕНИЕТ ВЕ СПОРТ ИНКИШАФЫ ПРОГРАММАСЫ АКЪКЪЫНДА

Къырым Мухтар Джумхуриети Анаясасынынъ 26-нджы маддесиндеки экинджи къысмы­нынъ 11-нджи пунктына, Украина Назирлер Кабинетининъ 2006 сенеси 15-ноябрьде къабул олунгъан «2007—2011 сенелери джисманий медениет ве спорт инкишафы Девлет программасынынъ тасдикъланмасы акъкъында» 1594 санлы Къарарына бинаен, Къырым Мухтар Джумхуриетинде джисманий медениет ве спорт инкишафы ичюн керекли шараитлер яратмакъ макъсадынен

Къырым Мухтар Джумхуриетининъ Юкъары Радасы  к ъ а р а р  б е р е:

1. Къырым Мухтар Джумхуриетинде 2007—2011 сенелери джисманий медениет ве спорт инкишафы Программасы тасдикълансын (иляве этиле).

2. Къырым Мухтар Джумхуриетининъ Назирлер Шурасы эр сене Къырым Мухтар Джумхуриети бюджетининъ лейихаларыны шекиллендиргенде Къырым Мухтар Джумхуриетинде 2007—2011 сенелери джисманий медениет ве спорт инкишафы Программасынынъ эда этильмесине тахсислер козьде тутсын.

3. Къырым Мухтар Джумхуриетиндеки маллий озь-озюни идаре этюв органларына 2007—2011 сенелери джисманий медениет ве спорт инкишафы региональ программаларыны ишлеп чыкъармагъа ве тасдикъламагъа, эм де оларны малиенен теминлемеге тевсие барильсин.

4. Мезкюр Къарарнынъ эда этильмеси незарети Къырым Мухтар Джумхуриети Юкъары Радасынынъ медениет, яшлар ишлери ве спорт боюнджа Даимий комиссиясына авале этильсин.

6. Мезкюр Къарар къабул этильген кунюнден арекетке кире.