КъМДж ЮР Къарары

КЪЫРЫМ МУХТАР ДЖУМХУРИЕТИ ЮКЪАРЫ РАДАСЫНЫНЪ 2006 СЕНЕСИ 22-СЕНТЯБРЬДЕ КЪАБУЛ ОЛУНГЪАН 177-5/06 САНЛЫ КЪАРАРЫНЕН ТАСДИКЪЛАНГЪАН КЪЫРЫМ МУХТАР ДЖУМХУРИЕТИНДЕ 2006—2010 СЕНЕЛЕРИНЕ ДЖИНАЕТЧИЛИКНИНЪ ОГЮНИ АЛУВ БОЮНДЖА ТЕДБИРЛЕРГЕ ДЕНЪИШМЕЛЕР КИРСЕТИЛЬМЕСИ, ВЕ ОЛАРНЫНЪ ЭДА ЭТИЛЬМЕСИНЕ ТАХСИСЛЕР ТАКЪСИМЛЕНЮВИ АКЪКЪЫНДА

Къырым Мухтар Джумхуриети Анаясасынынъ 26-нджы маддесиндеки экинджи къысмынынъ 1, 13-нджи пунктларына, Къырым Мухтар Джумхуриети Юкъары Радасынынъ 2006 сенеси 28-декабрьде къабул олунгъан «Къырым Мухтар Джумхуриетининъ 2007 сенесине бюджети акъкъында» 315-5/06 санлы Къарарына бинаен

Къырым Мухтар Джумхуриетининъ Юкъары Радасы  к ъ а р а р  б е р е:

1. Къырым Мухтар Джумхуриети Юкъары Радасынынъ 2006 сенеси 22-сентябрьде къабул олунгъан 177-5/06 санлы Къарарынен (Къырым Мухтар Джумхуриетининъ норматив-укъукъий актлар топламы, 2006 с., № 9, 742 мад., № 11, 1009 мад.; 2007 с., № 4, 311 мад.) тасдикълангъан Къырым Мухтар Джумхуриетинде 2006—2010 сенелерине джинаетчиликнинъ огюни алув боюнджа тедбирлерге ашагъыдаки денъишме кирсетильсин:

II болюкнинъ 9-нджы пункты мезкюр мундериджели 9.11, 9.12, 9.13 пунктастларынен текмилленсин:

«9.11. Ярослав Мудрый адына Миллий адлие академиясынынъ Къырым адлие институтында алий тасильни инкишаф этювининъ эсас вазифелерини эда этмек ичюн керекли шараитлернен теминлев ве укъукъкъоруйыджы оргаларда чалышмакъ ичюн юксек севиели мутехассыслар-адлиеджилер азырлав боюнджа тедбирлер кечирильсин.

Эда этиджилер: Ярослав Мудрый адына Миллий адлие академиясы

Эда этилюв муддети: 2007—2010 сенелери

9.12. Этрафтаки табиат муитине къаршы япылгъан къанун бозуджылыгъы вакъиаларыны бельгилемек ве джинаетлернинъ огюни алмакъ макъсадынен экология экспертизаларыны кечирюв боюнджа тедбирлерни эда этмек ичюн Къырым илимлер академиясынынъ маддий-техникий темелини къавийлештирюв боюнджа тедбирлер кечирильсин.

Эда этиджилер: Къырым илимлер академиясы

Эда этилюв муддети: 2007—2010 сенелери

9.13. Къырым Мухтар Джумхуриетининъ Апелляция махкемесининъ маддий-техникий темелини къавийлештирюв ве махкеме кечирильмеси ичюн керекли шараитлер яратмасы боюнджа тедбирлер кечирильсин.

Эда этиджилер: Къырым Мухтар Джумхуриетининъ Апелляция махкемеси

Эда этилюв муддети: 2007—2010 сенелери».

2. Къырым Мухтар Джумхуриети Юкъары Радасынынъ 2006 сенеси 22-сентябрьде къабул олунгъан 177-5/06 санлы Къарарынен тасдикълангъан Къырым Мухтар Джумхуриетинде 2006—2010 сенелерине джинаетчиликнинъ огюни алув боюнджа тедбирлернинъ эда этильмесине Украина девлет бюджетине Къырым Мухтар Джумхуриетининъ 2007 сенесине бюджетинден 2000,0 бинъ грн. микъдарда субвенция васталары эда этиджилер арасында такъсимленсин:

Къырым Мухтар Джумхуриетинде Украина Хавфсызлыкъ Хызметининъ Баш идаресине — 250,0 бинъ грн. (ЗАЗ «LANOS» автомобилининъ сатын алынмасына);

Къырым Мухтар Джумхуриетинде Украина ички ишлер Назирлигининъ Баш идаресине — 900,0 бинъ грн. (14 дане ВАЗ-2007, 4 дане УАЗ-31519-095 «Хантер», 2 дане УАЗ-3163/30 «Патриот» автомобиллерини сатын алмакъ ичюн);

Ярослав Мудрый адына Миллий адлие академиясына — 200,0 бинъ грн. (Ярослав Мудрый адына Миллий адлие академиясы Къырым адлие инситутынынъ окъув бинасындаки меркезий къысмынынъ ог тарафы тамирлемесине);

Къырым илимлер академиясына — 100,0 бинъ грн. (Къырым Мухтар Джумхуриети Юкъары Радасынынъ укъукъий меселелер, укъукъий тертип ве февкъульаде вазиетлер боюнджа Даимий комиссиясынен уйгъунлаштырылгъан малие васталарнынъ такъсимлев сметасына бинаен этрафтаки табиат муитине къаршы япылгъан къанун бозуджылыгъы вакъиаларыны бельгилемек ве джинаетлернинъ огюни алмакъ макъсадынен экология экспертизаларыны кечирювине);

Украина ички ишлер Назирлигининъ ички орду Къырым территориаль къоманданлыгъынынъ идаресине — 150,0 бинъ грн. (5 дане ДЕО-Сенс автомобиллерининъ сатын алынмасына);

Украина девлет сынъыр хызметининъ Азакъ-Къара денъиз региональ идаресине — 100,0 бинъ грн. (ПЕОМ, зыфыр видеокамера, зыфыр фотоаппаратлар сатын алынмасына);

Къырым Мухтар Джумхуриетининъ Апелляция махкемесине — 100,0 бинъ грн. (махкеме бинасынынъ дёртюнджи къатында тамирлев ишлери япылмасына).

3. Юкъарыда анъылгъан субвенция васталарынынъ масрафлары мезкюр Къарарына къатий шекильде бинаен эда этильсин.

4. Мезкюр Къарарнынъ 2-нджи пунктында косьтерильген Къырым Мухтар Джумхуриетинде 2006—2010 сенелерине джинаетчиликнинъ огюни алув боюнджа тедбирлернинъ эда этиджилерине 2007 сенеси 31-декабрьгедже Къырым Мухтар Джумхуриетининъ Юкъары Радасына Украина Девлет бюджетине Къырым Мухтар Джумхуриетининъ 2007 сенесине бюджетинден юкъарыда анъылгъан субвенциянынъ васталарыны масраф этюви акъкъында эсабат такъдим этильсин.

5. Мезкюр Къарарнынъ эда этильмеси ве юкъарыда анъылгъан субвенциянынъ васталары масраф этильмесининъ незарети Къырым Мухтар Джумхуриети Юкъары Радасынынъ укъукъий меселелер, укъукъий тертип ве февкъульаде вазиетлер боюнджа Даимий комиссиясына авале этильсин.

6. Мезкюр Къарар къабул этильген кунюнден арекетке кире.