Къырым Мухтар Джумхуриети Анаясасынынъ 26-нджы маддесиндеки экинджи къысмынынъ 1-нджи пунктына бинаен
Къырым Мухтар Джумхуриетининъ Юкъары Радасы к ъ а р а р б е р е:
1. Къырым Мухтар Джумхуриети Юкъары Радасынынъ 2000 сенеси 19-июльде къабул олунгъан «Къырым Мухтар Джумхуриетининъ стипендиялары акъкъында» 1288-2/2000 санлы Къарарына (Къырым Мухтар Джумхуриетининъ норматив-укъукъий актлар топламы, 2000 с., № 7, 737 мад.; 2001 с., № 11, 1216 мад.; 2002 с., № 10, 1058 мад.; 2004 с., № 6, 543 мад., № 12, 1103 мад.; 2006 с., № 6, 408 мад., № 11, 1008 мад.; 2007 с., № 4, 315 мад., № 6, 570 мад.) ашагъыдаки денъишмелер кирсетильсин:
1.1. 2-нджи пункт мезкюр мундериджели сатырбашынен текмилленсин:
«2008 сенесининъ 1-январьдан Къырым Мухтар Джумхуриетининъ стипендияларыны малиенен теминлемек ичюн козьде тутулгъан Къырым Мухтар Джумхуриетининъ бюджети васталарынынъ баш такъсимлейиджиси оларакъ Къырым Мухтар Джумхуриетининъ Тасиль ве илим Назирлиги бельгиленсин».
1.2. Мезкюр Къарарнен тасдикълангъан Къырым Мухтар Джумхуриетининъ стипендиялары акъкъында Низамнамесине ашагъыдаки денъишме кирсетильсин:
6-нджы пункт янъы тарирде арз этильсин:
«6. Къырым Мухтар Джумхуриетининъ Юкъары Радасы Президиумы мезкюр Къарарнынъ 7-нджи пунктында косьтерильген алий окъув юртларына ёлланаджакъ Къырым Мухтар Джумхуриетининъ стипендиялары тайинленмеси акъкъында укюм къабул эте.
Къырым Мухтар Джумхуриетининъ Юкъары Радасы Президиумы укюмине бинаен тайинленген Къырым Мухтар Джумхуриетининъ стипендиялары, Миллий аграр университетининъ «Къырым агротехнология университети» Дженюбий филиалы студентлерине 1-августтан 31-январьгъадже ве 1-февральден 31-июльгедже тёленильген Къырым Мухтар Джумхуриетининъ стипендияларындан гъайры, мезкюр Къарарнынъ 7-нджи пунктында косьтерильген алий окъув юртларынынъ студентлерине 1-июльден 31-январьгъадже ве 1-февральден 30-июньгедже тёлене».
2. Мезкюр Къарарнынъ эда этильмеси незарети Къырым Мухтар Джумхуриети Юкъары Радасынынъ тасиль ве илим боюнджа Даимий комиссиясына авале этильсин.
3. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2007 сенеси, сентябрь 19 № 568-5/07 |