КъМДж ЮР Къарары

КЪЫРЫМ МУХТАР ДЖУМХУРИЕТИ ЮКЪАРЫ РАДАСЫНЫНЪ 2001 СЕНЕСИ 21-НОЯБРЬДЕ КЪАБУЛ ОЛУНГЪАН «КЪЫРЫМНЫНЪ ИНКИШАФЫ СААСЫНДАКИ БИРИНДЖИЛИК ЕРИНИ АЛГЪАН ЁНЕЛИШЛЕРДЕ ИЛЬМИЙ МУВАФАКЪИЕТЛЕР ИЧЮН» КЪЫРЫМ МУХТАР ДЖУМХУРИЕТИНИНЪ СТИПЕНДИЯЛАРЫ АКЪКЪЫНДА» 2147-2/01 САНЛЫ КЪАРАРЫНА ДЕНЪИШМЕЛЕР КИРСЕТИЛЬМЕСИ АКЪКЪЫНДА

Къырым Мухтар Джумхуриети Анаясасынынъ 26-нджы маддесиндеки экинджи къысмынынъ 1-нджи пунктына бинаен

Къырым Мухтар Джумхуриетининъ Юкъары Радасы  к ъ а р а р  б е р е:

1. Къырым Мухтар Джумхуриети Юкъары Радасынынъ 2001 сенеси 21-ноябрьде къабул олунгъан «Къырымнынъ инкишафы саасындаки биринджилик ерини алгъан ёнелишлерде ильмий мувафакъиетлер ичюн» Къырым Мухтар Джумхуриетининъ стипендиялары акъкъында» 2147-2/01 санлы Къарарына (Къырым Мухтар Джумхуриетининъ норматив-укъукъий актлар топламы, 2001 с., № 11, 1215 мад.; 2004 с., № 12, 1103 мад.) ашагъыдаки денъишмелер кирсетильсин:

1.1. 3-нджи пунктта «илим, тасиль, яшлар ишлери ве спорт боюнджа» сёзлери «илим ве тасиль боюнджа» сёзлерине денъиштирильсин.

1.2. Мезкюр Къарарнен тасдикълангъан Низамнамеде:

5-нджи пунктта «илим, тасиль, яшлар ишлери ве спорт боюнджа» сёзлери «илим ве тасиль боюнджа» сёзлерине денъиштирильсин;

6-нджы пунктта «илим, тасиль, яшлар ишлери ве спорт боюнджа» сёзлери «илим ве тасиль боюнджа» сёзлерине денъиштирильсин;

7-нджи пунктта:

«илим, тасиль, яшлар ишлери ве спорт боюнджа» сёзлери «илим ве тасиль боюнджа» сёзлерине денъиштирильсин;

мезкюр мундериджели сатырбашынен текмилленсин:

«Ёлланылгъан весикъаларнынъ биринджи япрагъы мезкюр талапларгъа уймакъ лязим: ишнинъ серлевасы, теткъикъатнынъ саасы (ёнелиши), сой ады, ады, баба ады, курс, факъультет, толу шекильде окъув юртунынъ ады»;

8-нджи пунктта «1-декабрьге къадар» сёзлери «15-ноябрьге къадар» сёзлерине денъиштирильсин.

2. Мезкюр Къарарнынъ эда этильмеси незарети Къырым Мухтар Джумхуриети Юкъары Радасынынъ тасиль ве илим боюнджа Даимий комиссиясына авале этильсин.

3. Мезкюр Къарар къабул этильген кунюнден арекетке кире.