КъМДж ЮР Къарары

КЪЫРЫМ МУХТАР ДЖУМХУРИЕТИ ЮКЪАРЫ РАДАСЫНЫНЪ 2007 СЕНЕСИ 21-ФЕВРАЛЬДЕ КЪАБУЛ ОЛУНГЪАН 348-5/07 САНЛЫ КЪАРАРЫНЕН ТАСДИКЪЛАНГЪАН КЪЫРЫМ МУХТАР ДЖУМХУРИЕТИНИНЪ 2010 СЕНЕСИНЕ КЪАДАР ОРТАТАСИЛЬ, МЕКТЕПТЕН ТЫШ, МУТЕХАССЫС-ТЕХНИКА ВЕ АЛИЙ ОКЪУВ МУЭССИСЕЛЕРИНИ ИНФОРМАТИЗАЦИЯЛАШТЫРУВ ДЖУМХУРИЙ ПРОГРАММАСЫНА ДЕНЪИШМЕЛЕР КИРСЕТИЛЬМЕСИ АКЪКЪЫНДА

Къырым Мухтар Джумхуриети Анаясасынынъ 26-нджы маддесиндеки экинджи къысмынынъ 1-нджи пунктына бинаен

Къырым Мухтар Джумхуриетининъ Юкъары Радасы  к ъ а р а р  б е р е:

1. Къырым Мухтар Джумхуриети Юкъары Радасынынъ 2007 сенеси 21-февральде къабул олунгъан 348-5/07 санлы Къарарынен (Къырым Мухтар Джумхуриетининъ норматив-укъукъий актлар топламы, 2007 с., № 2, 85 мад.) тасдикълангъан Къырым Мухтар Джумхуриетининъ 2010 сенесине къадар ортатасиль, мектептен тыш, мутехассыс-техника ве алий окъув муэссиселерини информатизациялаштырув Джумхурий программасына ашагъыдаки денъишмелер кирсетильсин:

мезкюр Программанынъ 1-нджи Илявесинде:

1-нджи пунктнынъ 6-нджы графасы «200» сайысынен текмилленсин;

2-нджи пунктнынъ 6-нджы графасында «270» сайысы «70» сайысына денъиштирильсин.

2. Мезкюр Къарар къабул этильген кунюнден арекетке кире.