Къырым Мухтар Джумхуриети Анаясасынынъ 26-нджы маддесиндеки экинджи къысмынынъ 1-нджи пунктына бинаен
Къырым Мухтар Джумхуриетининъ Юкъары Радасы к ъ а р а р б е р е:
1. Къырым Мухтар Джумхуриети Юкъары Радасынынъ 2007 сенеси 22-мартта къабул этильген 386-5/07 санлы Къарарынен (Къырым Мухтар Джумхуриетининъ норматив-укъукъий актлар топламы, 2007 с., № 3, 180 мад.) тасдикълангъан Къырым Мухтар Джумхуриетининъ 2007 сенесине Икътисадий ве ичтимаий инкишафы Программасына ашагъыдаки денъишме кирсетильсин:
2-нджи Иляведе «Маневий ве гуманитар саадаки инкишаф» болюги мезкюр мундериджели 134-1 сатырнен текмилленсин:
| 1 | 2 |
3 |
4 |
5 |
6 |
134-1. |
«Крымоведение» окъув курсынынъ тасиль программасыны ишлеп чыкъармакъ ве Украина Тасиль ве илим Назирлигининъ уйгъунлаштырмасына кирсетмек; «Крымоведение» курсы боюнджа окъув-усулиет къулланма ишлеп чыкъармакъ ве неширге азырламакъ |
Йыл боюнджа |
КъМДж Тасиль ве илим Назирлиги |
Умумтасиль мектеплери талебелерининъ маневий ве ватанпервер тербиеси |
КъМДж бюджети |
2. Къырым Мухтар Джумхуриетининъ Назирлер Шурасы Къырым Мухтар Джумхуриетининъ Тасиль ве илим Назирлигине айырылгъан пара васталары эсабындан мезкюр Къарарнынъ 1-нджи пунктында косьтерильген тедбирлернинъ малиенен теминлевини козьде тутып, Къырым Мухтар Джумхуриетининъ 2007 сенеси бюджетине денъишмелер кирсетильмеси боюнджа теклифлер кирсетсин.
3. Мезкюр Къарарнынъ эда этильмеси незарети Къырым Мухтар Джумхуриети Юкъары Радасынынъ тасиль ве илим боюнджа Даимий комиссиясына ве Къырым Мухтар Джумхуриети Юкъары Радасынынъ икътисадият, бюджет-малие ве берги сиясети боюнджа Даимий комиссиясына авале этильсин.
4. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2007 сенеси, сентябрь 19 № 564-5/07 |