КъМДж ЮР Къарары

КОЙЛЕРДЕКИ ТЕДАВИЙЛЕВ-ОГЮНИ АЛУВ МУЭССИСЕЛЕРДЕ ЧАЛЫШКЪАН ТИББИЯТ ХАДИМЛЕРИНЕ ИКЪТИСАДИЙ ЯРДЫМНЫНЪ КЪОШМА ШЕКИЛЛЕРИНИ ТАЙИНЛЕВ АКЪКЪЫНДА

Къырым Мухтар Джумхуриети Анаясасынынъ 9, 16-нджы мадделерине, 26-нджы маддесиндеки экинджи къысмынынъ 1-нджи пунктына бинаен

Къырым Мухтар Джумхуриетининъ Юкъары Радасы  к ъ а р а р  б е р е:

1. Койлердеки тедавийлев-огюни алув муэссиселерде (кой эким амбулаторияларда, къоранта тиббияты кой эким амбулаторияларда, къоранта тиббияты къысымлары иле кой эким амбулаторияларда, мааллий хастаханелерде, фельдшер-эбанайлыкъ нокъталарда) чалышкъан тиббият хадимлеринеичтимаий ярдымнынъ къошма шекиллерини ашагъыда косьтерильген къошма ве арткъач тёлевлер шекилинде тайинленсин:

эсас ве толу олмагъан алий тиббий тасили олгъан мутехассысларгъа — вазифе окладына эр ай 100,0 грн. колеминде къошма тёлев;

эписи зенаатлар боюнджа экимлерге, эсас ве толу олмагъан алий тиббий тасили олгъан мутехассысларгъа — тиббий стажына коре вазифе окладына къошулгъан ашагъыдаки колемдеки файызларда: 3 йылдан зияде — 10, 5 йылдан зияде — 15, 10 йылдан зияде — 20, 15 йылдан зияде— 25, 20 йылдан зияде — 30, 25 йылдан зияде — 40 файыз.

2. Йылда бир кере юкъарыда анъылгъан тедавийлев-огюни алув муэссиселернинъ эписи зенаатлар боюнджа экимлери, эсас ве толу олмагъан алий тиббий тасили олгъан мутехассысларгъа ичтимаий-турмуш меселелерини чезмек ичюн эки вазифе оклады колеминде маддий ярдым тёлемек.

3. Мезкюр Къарарнынъ 1, 2 пунктларында козьде тутулгъан ичтимаий ярдымнынъ къошма шекиллерини такъдим этюв боюнджа масрафлар Къырым Мухтар Джумхуриетининъ бюджети васталары эсабындан эда этиле.

4. Къырым Мухтар Джумхуриетининъ Назирлер Шурасына Къырым Мухтар Джумхуриетининъ 2008 сенеси ве илеридеки йылларына бюджетининъ лейихаларында мезкюр Къарарнынъ 1, 2-нджи пунктларында косьтерильген тёлевлерге керекли пара васталары мааллий бюджетлерге мувафыкъ тарзда берильген субвенциялар шекилинде тайинленген тертипте козьде тутмагъа авале этильсин.

5. Мезкюр Къарарнынъ эда этильмеси незарети Къырым Мухтар Джумхуриети Юкъары Радасынынъ ичтимаий меселелер, сагълыкъны сакълав ве ветеранлар ишлери боюнджа Даимий комиссиясына ве Къырым Мухтар Джумхуриети Юкъары Радасынынъ икътисадият, бюджет-малие ве берги сиясети боюнджа Даимий комиссиясына авале этильсин.

6. Мезкюр Къарар 2008 сенеси 1-январьдан арекетке кире.