Къырым Мухтар Джумхуриети Анаясасынынъ 9-нджы маддесиндеки учюнджи къысмына, 26-нджы маддесиндеки экинджи къысмынынъ 1-нджи пунктына бинаен, коммуналь тедавийлев-огюни алув муэссиселернинъ ве Къырым Мухтар Джумхуриетине менсюп мулькнинъ эсасында яратылгъан тедавийлев-огюни алув муэссиселернинъ тиббият хадимлерине къошма ичтимаий къолтутув боюнджа тедбирлер тайинлемек макъсадынен,
Къырым Мухтар Джумхуриетининъ Юкъары Радасы к ъ а р а р б е р е:
1. 2008 сенеси 1-январьдан коммуналь тедавийлев-огюни алув муэссиселернинъ ве Къырым Мухтар Джумхуриетине менсюп мулькнинъ эсасында яратылгъан тедавийлев-огюни алув муэссиселернинъ тиббият хадимлери ичюн Къырым Мухтар Джумхуриетининъ эр бири 10,0 бинъ грн. колемде 25 эр йыллыкъ мукяфат тесис этильсин.
2. Коммуналь тедавийлев-огюни алув муэссиселернинъ ве Къырым Мухтар Джумхуриетине менсюп мулькнинъ эсасында яратылгъан тедавийлев-огюни алув муэссиселернинъ тиббият хадимлерине Къырым Мухтар Джумхуриетининъ мукяфатлары акъкъында Низамнаме тасдикълансын (иляве этиле).
3. Къырым Мухтар Джумхуриетининъ Назирлер Шурасы эр сене Къырым Мухтар Джумхуриети бюджетининъ лейихаларыны шекиллендиргенде мезкюр Къарарнынъ 1-нджи пунктыны эда этильмесине керекли пара васталарыны козьде тутсын.
4. Къырым Мухтар Джумхуриетине менсюп мулькнинъ эсасында яратылгъан тедавийлев-огюни алув муэссиселернинъ тиббият хадимлерине мукяфатлар тёлемек ичюн пара васталары Къырым Мухтар Джумхуриети бюджетинде Къырым Мухтар Джумхуриетининъ Сагълыкъ сакълав Назирлиги боюнджа айры сатырда козьде тутула.
5. Коммуналь тедавийлев-огюни алув муэссиселернинъ хадимлерине мукяфатлар тёлемек ичюн пара васталары Къырым Мухтар Джумхуриетининъ бюджетинден мувафыкъ мааллий бюджетлерге берильген субвенциялар шекилинде айрыла.
6. Къырым Мухтар Джумхуриети Юкъары Радасынынъ депутатлар этикасы, Юкъары Раданынъ ишини тешкилятландырув ве кутьлевий хабер васталары боюнджа Даимий комиссиясына, Къырым Мухтар Джумхуриети Юкъары Радасынынъ ичтимаий меселелер, сагълыкъны сакълав ве ветеранлар ишлери боюнджа Даимий комиссиясына коммуналь тедавийлев-огюни алув муэссиселернинъ ве Къырым Мухтар Джумхуриетине менсюп мулькнинъ эсасында яратылгъан тедавийлев-огюни алув муэссиселернинъ тиббият хадимлерине Къырым Мухтар Джумхуриетининъ мукяфатлары такъдим этюв акъкъында шеадетнаменинъ нумюнесини ве онынъ тарифлемесини ишлеп чыкъармакъ ве тайинленген тертипте Къырым Мухтар Джумхуриетининъ Юкъары Радасы Президиумынынъ тасдикъламасына кирсетмек авале этильсин.
7. Мезкюр Къарарнынъ эда этильмеси незарети Къырым Мухтар Джумхуриети Юкъары Радасынынъ ичтимаий меселелер, сагълыкъны сакълав ве ветеранлар ишлери боюнджа Даимий комиссиясына ве Къырым Мухтар Джумхуриети Юкъары Радасынынъ икътисадият, бюджет-малие ве берги сиясети боюнджа Даимий комиссиясына авале этильсин.
8. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2007 сенеси, сентябрь 19 № 559-5/07 |