Украина Анаясасынынъ 49-нджи маддесине, Къырым Мухтар Джумхуриети Анаясасынынъ 18-нджи маддесиндеки биринджи къысмынынъ 9, 16, 17-нджи пунктларына, 26-нджы маддесиндеки экинджи къысмынынъ 1-нджи пунктына бинаен, Къырым Мухтар Джумхуриетинде яшагъан Украина ватандашларынынъ сагълыкъларыны сакълав ве тиббий ярдым косьтерювге акъ-укъукъларыны теминленмек макъсадынен
Къырым Мухтар Джумхуриетининъ Юкъары Радасы к ъ а р а р б е р е:
1. Къырым Мухтар Джумхуриетинде яшагъан Украина ватандашлары ичюн аджеле тиббий ярдым косьтерюв ве диагноз къоювынен багълы теткъикъатлар (клиника талиллери, флюорография, рентгенография, электрокардиография, ультразвук теткъикъатлары) Къырым Мухтар Джумхуриети тедавийлев-огюни алув муэссиселер тарафындан бедава эда этильгени тайинленсин.
2. Мезкюр Къарарнынъ 1-нджи пунктында тедавийлев-огюни алув муэссиселерине козьде тутулгъан масрафлар Къырым Мухтар Джумхуриети бюджети васталары эсабындан эда этиле.
3. Къырым Мухтар Джумхуриети Назирлер Шурасына авале этильсин:
Къырым Мухтар Джумхуриетининъ 2008 сенеси ве илеридеки сенелерине бюджети лейихаларында Мезкюр Къарарнынъ 1-нджи пунктыны эда этильмесине керекли васталар козьде тутсын;
2008—2011 сенелерине «Къырым сакинлерининъ сагълыгъы» Къырым Мухтар Джумхуриетининъ программасыны ишлеп чыкъарсын ве программада, шу джумледен, Мезкюр Къарарнынъ 1-нджи пунктыны омюрге кечирюв боюнджа тедбирлерни козьде тутуракъ, тайинленген тертипте Къырым Мухтар Джумхуриетининъ Юкъары Радасынынъ тасдикъламасына такъдим этсин
4. Мезкюр Къарарнынъ эда этильмеси незарети Къырым Мухтар Джумхуриети Юкъары Радасынынъ ичтимаий меселелер, сагълыкъны сакълав ве ветеранлар ишлери боюнджа Даимий комиссиясына ве Къырым Мухтар Джумхуриети Юкъары Радасынынъ икътисадият, бюджет-малие ве берги сиясети боюнджа Даимий комиссиясына авале этильсин.
5. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2007 сенеси, сентябрь 19 № 558-5/07 |