Украина Анаясасынынъ 137-нджи маддесиндеки 1-нджи къысмынынъ 2-нджи пунктына, Къырым Мухтар Джумхуриети Анаясасынынъ 18-нджи маддесиндеки 1-нджи къысмынынъ 2 ве 9-нджы пунктлары, 26-нджы маддесиндеки 2-нджи къысмынынъ 31-нджи пунктына, «Къырым Мухтар Джумхуриетининъ Юкъары Радасы акъкъында» Украина Къанунынынъ 9-нджы маддесиндеки 1-нджи къысмынынъ 2-нджи пунктына, ерасты байлыкълары акъкъында Украина Кодексининъ 9-нджы маддесиндеки 1-нджи пункты, 17-нджи маддесине ве 1995 сенеси 27-январьда 59 санлы Украина Назирлер Кабинетининъ Къарарынен тасдикълангъан дагъ арсаларыны такъдим этюв тертиби акъкъында Низамнамесине бинаен,
Къырым Мухтар Джумхуриетининъ Юкъары Радасы к ъ а р а р б е р е:
1. Ер асты байлыкъларындан файдаланыджы денъишкени нетиджесинде гъайрыдан джедвельге алынмасы себебинден № 4132 ер асты байлыкъларындан файдаланмакъ ичюн махсус изинлернинъ арекет муддети 2006 сенеси 4-декабрьден 2013 сенеси 4-декабрьге денъиштирильсин ве Ленин районындаки Ленино кой шурасынынъ топракъларында, Ленино к. шималь-шаркъкъа 1,5 км месафеде ерлешкен 8,5 га мейданлыгъында Ленинское къум ердогъумыны ишлетильмеси ичюн айырылгъан дагъ арсасыны «Восток» шахсий ишханесине (Ленин районы, Ленинское к.) ресмийлештирильсин.
2. Эки нусха микъдарында дагъ арсасы такъдим этильмеси акъкъында акт «Восток» шахсий ишханесине берильсин.
3. «Восток» шахсий ишхане тайинленген тертипте мааллий эмиети олгъан ер асты байлыкъларыны ишленмеси ичюн такъдим этильген дагъ арсасыны дагъ незарети девлет органларында ресмийлештирсин.
4. Такъдим этильген дагъ арсасы ве дагъ арсасы лейихасынынъ экинджи нусхаларыны «Дженюпэкогеомеркез» девлет ишханесининъ геомалюматнен теминлев ве ер асты байлыкъларындан файдаланмакъ меселелери болюгине эманет этильсин.
5. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
Симферополь ш., |