Къырым Мухтар Джумхуриети Юкъары Радасынынъ 1999 сенеси 21-апрельде къабул олунгъан 459-2/99 санлы Къарарынен тасдикълангъан Къырым Мухтар Джумхуриетининъ мулькюнен я да онынъ идаресине теслим этильген мулькнен идаре этмек тертиби акъкъында Низамнамесининъ 13-нджи пунктындаки 13.1 пунктастына бинаен, Къырым Мухтар Джумхуриетининъ бюджетинде яш къоранталар ве янъгъыз яш ватандашларгъа къуруджылыкъ (гъайрыдан къурама) ве мескен алынмасына имтиязлы чокъмуддетли кредитлер бермек ичюн козьде тутулгъан пара васталарындан семерели файдаланмакъны теминлемек макъсадынен,
Къырым Мухтар Джумхуриетининъ Юкъары Радасы к ъ а р а р б е р е:
1. Къырым Мухтар Джумхуриети Назирлер Шурасына «Яшларгъа мескен кредитлеви фонду» Къырым джумхуриет махсуслаштырылгъан малие муэссисесининъ яратмасына разылыкъ берильсин.
2. Мезкюр Къарарнынъ эда этильмеси незарети Къырым Мухтар Джумхуриети Юкъары Радасынынъ медениет, яшлар ишлери ве спорт боюнджа Даимий комиссиясына авале этильсин.
3. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
Симферополь ш., |