Къырым Мухтар Джумхуриети Анаясасынынъ 17-нджи маддесиндеки 1 ве 2-нджи къысымлары, 18-нджи маддесиндеки 1-нджи къысмынынъ 9-нджы пункты, 26-нджы маддесиндеки 2-нджи къысмынынъ 35-нджи пунктына, «Къырым Мухтар Джумхуриетининъ Юкъары Радасы акъкъында» Украина Къанунынынъ 9-нджы маддесиндеки 2-нджи къысмынынъ 38-нджи пунктына, «Этрафтаки табиат муитини муафаза этюв акъкъында» Украина Къанунынынъ 14‑нджи маддесиндеки 1-нджи къысмынынъ «є» пунктына ве «Украинанынъ табиат-къорукъ фонду акъкъында» Украина Къанунынынъ 23, 51, 52, 53, 54-нджи мадделерине бинаен, айванат ве осюмлик дюньясынынъ генофонду сакъланмасы, Къырымнынъ къорулгъан табиат комплекслери ве ландшафтларынынъ муафаза режими кутюльген тарзда табиат шараитлерде семерели туризм, раатлыкъ ве рекреацион фаалиетининъ дигер чешитлери ичюн шараитлер яратмакъ макъсадынен
Къырым Мухтар Джумхуриетининъ Юкъары Радасы к ъ а р а р б е р е:
1. Илявеге мунасип шимди арекетте олгъан «Къаралар» (Ленин районы) ерли эмиети олгъан ландшафт къоругъы эсасында «Къаралар» региональ ландшафт паркы яратылсын.
2. «Къаралар» региональ ландшафт паркынынъ мемуриетине онынъ яратылмасы акъкъында илян этильмеси кунюнден бир йыл девамында акъкъыны тасдикълагъан весикъаларны (топракъ къурумы лейихасы, региональ ландшафт паркы территориясынынъ тешкилятландырувы, онынъ табиат комплекслерининъ ве объектлерининъ муафазасы, янъылаштырувы ве рекреацион файдаланувы лейихасы, региональ ландшафт парк акъкъында низамнаме).
3. Къырым Мухтар Джумхуриетининъ Назирлер Шурасы Къырым Мухтар Джумхуриетининъ 2008 сенесине бюджет лейихасыны шекиллендиргенде «Къаралар» региональ ландшафт паркынынъ мемуриетини малиенен теминлемесине 200,0 бинъ грн. микъдарда пара васталарыны козьде тутсын.
4. Мезкюр Къарарнынъ эда этильмеси незарети Къырым Мухтар Джумхуриети Юкъары Радасынынъ аграр ве топракъ меселелери, экология ве табиаттан анълакъсал файдаланув боюнджа Даимий комиссиясына авале этильсин.
5. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
Симферополь ш., |