КъМДж ЮР Къарары

ЕР АСТЫ БАЙЛЫКЪЛАРЫНДАН ФАЙДАЛАНМАКЪ ИЧЮН МАХСУС ИЗИНЛЕР БЕРИЛЬМЕСИ АКЪКЪЫНДА РИДЖАНАМЕЛЕРНИНЪ УЙГЪУНЛАШТЫРУВЫ АКЪКЪЫНДА

Къырым Мухтар Джумхуриети Анаясасынынъ 18-нджи маддесиндеки 1-нджи къысмы­нынъ 2 ве 9-нджы пунктлары, 26-нджы маддесиндеки 2-нджи къысмынынъ 31-нджи пункты, ер асты байлыкълары акъкъында Украина Кодексининъ 9-нджы маддесиндеки 2-нджи пункты, 16 ве 19-нджы мадделерине, Украина Назирлер Кабинетининъ 2007 сенеси 14-марттаки 480 санлы Къарарынен тасдикълангъан ер асты байлыкъларындан файдаланмакъ ичюн 2007 сенесинде махсус изинлер берильмеси Низамнамесининъ 7-нджи пунктына бинаен

Къырым Мухтар Джумхуриетининъ Юкъары Радасы  к ъ а р а р  б е р е:

1. Ер асты байлыкъларындан файдаланмакъ ичюн махсус изинлер берильмеси акъкъында риджанамелер уйгъунлаштырылсын:

1) «Къырым» пивоалкогольсиз комбинаты» ачыкъ акционер джемиетине (Симферополь ш.) — Сакъ шеэриндеки Сакъ минераль термаль сувлар ердогъумынынъ (№ 3503 бужары) «Сакъ минераль сувлар заводы» дамартысында минераль термаль сувлар чыкъармакъ ичюн;

2) «Ильич адына Мариуполь маденлер комбинаты» ачыкъ акционер джемиетининъ «Ильич-Агро Крым» таби ишханесине (Красногвардейск районы, Калинино к.) эалини ходжалыкъ-ичимлик сувнен теминлемек макъсадынен Джанкой районындаки Белогорск ердогъумынынъ Просторное дамартысында (№№ 1058, 972, 973, 975, 976, 978, 980, 981, 982 ,983 бужарлары) ер асты татлы сувларны чыкъармакъ ичюн:

3) «Санаторий «Полтава-Крым» ачыкъ акционер джемиетине (Сакъ ш.) — тиббий макъсадынен файдаланмакъ ичюн Сакъ ш. Сакъ минераль термаль сувлар ердогъумынынъ (№ 3697 бужары) № 4 дамартысында минераль термаль сувлар чыкъармакъ ичюн;

4) «Н. И. Пирогов адына Сакъ меркезий арбий клиника санаторийси» Украина мудафаа Назирлигининъ девлет ишханесине (Сакъ ш.) — тиббий макъсадынен файдаланмакъ ичюн Сакъ ш. Сакъ минераль термаль сувлар ердогъумынынъ (№ 2-ТМ (3841) бужары) № 2 дамартысында минераль термаль сувлар чыкъармакъ ичюн.

2. «Мир» койходжалыкъ истисал кооперативине (Сакъ районы, Крайнее к.) ер асты байлыкъларындан файдаланмакъ ичюн махсус изиннинъ арекет этюв муддетини девамланмасы уйгъунлаштырылсын — Сакъ районындаки Крайнее ердогъумында диварлар ичюн таш чыкъарылмасы ичюн (2003 сенеси 11-июльде имзалангъан 3046 санлы лицензия).

3. Мезкюр Къарар къабул этильген кунюнден арекетке кире.