КъМДж ЮР Къарары

КЪЫРЫМ МУХТАР ДЖУМХУРИЕТИ ЮКЪАРЫ РАДАСЫНЫНЪ 1997 СЕНЕСИ 19-ИЮНЬДЕ КЪАБУЛ ОЛУНГЪАН «АВДЖЫЛЫКЪ АРСАЛАРЫНЫ ВАКЪТЫНДЖА ЧОКЪМУДДЕТЛИ ФАЙДАЛАНУВГЪА ТАКЪДИМ ЭТИЛЬМЕСИ АКЪКЪЫНДА» 1229-1 САНЛЫ КЪАРАРЫНА ДЕНЪИШМЕЛЕР КИРСЕТИЛЬМЕСИ АКЪКЪЫНДА

Украина Анаясасынынъ 137-нджи маддесиндеки 1-нджи къысмынынъ 8-нджи пунктына, Къырым Мухтар Джумхуриети Анаясасынынъ 18-нджи маддесиндеки 1-нджи къысмынынъ 1 ве 2-нджи пунктлары, 26-нджы маддесиндеки 2-нджи къысмынынъ 1 ве 31-нджи пунктларына, «Къырым Мухтар Джумхуриетининъ Юкъары Радасы акъкъында» Украина Къанунынынъ 9‑нджы маддесиндеки 1-нджи къысмынынъ 8-нджи пунктына, «Айванат дюньясы акъкъында» Украина Къанунынынъ 15-нджи маддесине, «Авджылыкъ ходжалыгъы ве авджылыкъ акъкъында» Украина Къанунынынъ 23-нджи маддесиндеки 1-нджи къысмынынъ 2-нджи пунктына бинаен

Къырым Мухтар Джумхуриетининъ Юкъары Радасы  к ъ а р а р  б е р е:

1. Къырым джумхуриети авджылар ве балыкъчылар джемиетининъ Керчь шеэр тешкиляты умумий мейданлыгъы 1,1 бинъ га тешкиль эткен девлет дагъ фондунынъ (Высоковская дача яры) топракълары ве онъа къошулгъан чёль арсалары территориясында авджылыкъ арсаларындан файдаланмакъ акъкъындан марум этильсин.

2. Ленин районы сынъырларында олгъан девлет дагъ фондунынъ топракъларында, шу джумледен Черноморское яры (0,3 бинъ га), Высоковская дача яры ве онъа къошулгъан чёль арсалары (1,1 бинъ га) ерлешкен 1,4 бинъ га авджылыкъ арсалары къошма оларакъ 2022 сенеси 19-июньгедже вакътынджа чокъмуддетли файдаланувгъа «Ленин дагъ ходжалыгъы» Девлет ишханесине такъдим этильсин.

3. Къырым Мухтар Джумхуриети Юкъары Радасынынъ 1997 сенеси 19-июньде къабул олунгъан «Авджылыкъ арсаларыны вакътынджа чокъмуддетли файдаланувгъа такъдим этильмеси акъкъында» 1229-1 санлы Къарарына (Къырым Джумхуриетининъ къанунджылыкъ джыйынтыгъы, 1997 с., № 6, 399 мад., № 11, 783 мад.; Къырым Мухтар Джумхуриетининъ норматив-укъукъий актлар топламы, 1999 с., № 2, 110 мад., № 6, 581 мад., № 8, 847 мад.; 2001 с., № 11, 1220 мад.; 2002 с., № 7, 597 мад.; 2004 с., № 10, 895 мад.; 2006 с., № 9, 747 мад.) ашагъыдаки денъишмелер кирсетильсин:

3.1. 1-нджи пунктнынъ 1.6 пунктасты янъы тарирде арз этильсин:

«1.6. «Ленин дагъ ходжалыгъы» Девлет ишханесине (ОКПО 00992259) — Ленин районы сынъырларында 5,4 бинъ га, шу джумледен:

а) Мысовое кой шурасынынъ топракъларында 4,0 бинъ га мейданлыгъындаки арса шу сынъырларда:

шималь-шаркъ тарафындан — Нижнезаморское коюнден Мысовое коюне къадар Азакъ денъизининъ ялысындан;

шималь-гарп тарафындан — Мысовое коюнинъ девлет дагъ фонду топракъларынынъ шималь сынъырларындан Широкая корьфезине къадар;

дженюптен — Широкая корьфезинден девлет дагъ фонду топракъларынынъ дженюп сынъырларындан Ежовый ярымадасына къадар, сонъра Акъташ голю устюнден дженюп-шаркъкъа юксек вольтлы электрик агъына къадар, агъ бою Песочное коюнинъ четине къадар, сонъра дев­лет дагъ фонду топракъларынынъ дженюп ве гъарп сынъырларындан Нижнезаморское коюне къадар;

б) Кировское кой шурасынынъ топракъларында 0,3 бинъ га мейданлыгъындаки арса девлет дагъ фонду топракъларынынъ сынъырлары черчивесинде (Черноморское яры);

в) Марьевка ве Челядиново кой шуралары топракъларында 1,1 бинъ га мейданлыгъындаки (Высоковская дача яры ве онъа бакъкъан чёль арсалары) арса шу сынъырларда:

дженюп ве шаркътан — Высоковская дача ярынынъ дженюп-гъарп четинден девлет дагъ фонду топракъларынынъ сынъырлары бою юксек вольтлы электрик агъынен чатышкъандже;

шимальден — юксек вольтлы электрик агъы бою Пташкино — Сокольское топракъ ёлунен чатышкъандже, сонъра топракъ ёлунен Пташкино коюне таба дженюптен шимальге ёнелиштеки Высоковская дача ярынынъ гъарп четинден кечкен чёль ёлунен чатышкъандже;

гъарп тарафындан — Высоковская дача ярынынъ гъарп четинден кечкен чёль ёлу боюн­джа Марьевка — Пташкино автоёлгъадже, сонъра автоёлнен Высоковская дача ярынынъ дженюп-гъарп четине къадар».

3.2. 4-нджи пунктнынъ 4.17 пунктасты янъы тарирде арз этильсин:

«4.17. Умумий мейдалыгъы 67,7 бинъ га олгъан КъДжАБДж Ленин район тешкилятынынъ (ОКПО 34787621) авджылыкъ арсалары шу сынъынларда:

шимальден — Соляное коюнден Азакъ денъизининъ ялы сызыгъындан Широкая корьфезине къадар, сонъра девлет дагъ фонду топракъларынынъ дженюп ве Мысовое кой шурасынынъ сынъырлары боюнджа Белинское кой шурасынынъ сынъырларынадже;

шаркътан — Белинское, Горностаевка кой шураларынынъ шималь, гъарп ве Ленин кой шурасынынъ дженюп сынъырлары боюнджа, девлет дагъ фонду топракъларынынъ (Черноморское яры) гъарп сынъырлары боюнджа Краснополье-Вулкановка чёль ёлунадже;

дженюптен — Черноморское ярындан Вулкановка к. ичинден чёль ёлу боюнджа Яркое коюне къадар, сонъра Песчаная дересини шималь-шаркъ тарафындан айлангъан автомобиль ёлу бою Феодосия-Керчь автоёлуна къадар, сонъра автоёллар чатышмасындан чёль ёлу бою Къара денъиз ялысында ерлешкен 40,0 тёпелигине, Ленин районынынъ сынъырларынадже;

гъарптан — Песчаная дересинден Ленин районы топракъларынынъ гъарп сынъырлары боюнджа Соляное коюне къадар».

3.3. 4-нджи пунктнынъ 4.18 пунктасты янъы тарирде арз этильсин:

«4.18. КъДжАБДж (ОКПО 26027433) Керчь шеэр тешкилятына — 46,6 бинъ га мейданлыкъта авджылыкъ арсалары, мезкюр Илявенинъ 1-нджи пунктындаки 1.6. пункастында тариф этильген Высоковская дача яры ве онъа шималь тарафтан къошулгъан чёль арсаларындан гъайры, шу сынъырларда:

шимальден — Керчь шеэри топракъларынынъ сынъырларындан Керчь — Симферополь автомобиль ёлу бою Марфовка кой шурасынынъ гъарп сынъырларына къадар;

гъарптан — Марфовка кой шурасынынъ гъарп сынъырлары боюнджа, сонъра Узунлар голюнден гъарп таба беш километр месафеде ерлешкен юксек вольтлы агъ бою Къара денъиз ялысынадже;

дженюптен — Къара денъиз ялысы боюнджа, Узунлар голюнинъ къорулгъан зонасы сы­н­ъынларындан, Опук къоругъынынъ къорулгъан сынъырларындан ве Заветное кой шурасы топракъ­ларынынъ гъарп сынъырлары, Къара денъиз ялысы боюнджа Такыл бурнуна къадар;

шаркътан — Такыл бурнундан Керчь пролив ялысы боюнджа Керчь ш. топракъларына къадар, сонъра Керчь шеэри топракълары сынъырларындан Керчь-Симферополь автомобиль ёлуна къадар».

4. Мезкюр Къарар къабул этильген кунюнден арекетке кире.