Къырым Мухтар Джумхуриети Анаясасынынъ 9-нджы маддесиндеки 3-нджи къысмына, 26-нджы маддесиндеки 2-нджи къысмынынъ 1-нджи пунктына бинаен
Къырым Мухтар Джумхуриетининъ Юкъары Радасы к ъ а р а р б е р е:
1. Къырым Мухтар Джумхуриети Юкъары Радасынынъ 2000 сенеси 19-июльде къабул олунгъан 1288-2/2000 санлы Къарарына (Къырым Мухтар Джумхуриетининъ норматив-укъукъий актлар топламы, 2000 с., № 7, 737 мад.; 2001 с., № 11, 1216 мад.; 2002 с., № 10, 1058 мад.; 2004с., № 6, 543 мад., № 12, 1103 мад.; 2006 с., № 6, 408 мад., № 11, 1008 мад.; 2007 с. № 4, 315 мад.) ашагъыдаки денъишмелер кирсетильсин:
1.1. 2-нджи пунктта «40» сайысы «50» сайысына денъиштирильсин;
1.2. Мезкюр Къарарнен тасдикълангъан Къырым Мухтар Джумхуриетининъ стипендиялары акъкъында Низамнаменинъ 7-нджи пункты мезкюр мундериджели сатырбашларынен текмилленсин:
«Къырым медениет, санаат ве туризм университетининъ студентлерине — Ю. Богатиков адындаки 5 стипендия;
Харьков миллий ички ишлер университети Къырым адлие институтынынъ курсантлары ве студентлерине — А.П. Жорич адындаки 5 стипендия».
2. Къырым Мухтар Джумхуриетининъ Назирлер Шурасы Къырым Мухтар Джумхуриетининъ 2007 сенесине бюджетине денъишмелер кирсеткенде, Къырым медениет, санаат ве туризм университетининъ студентлерине ве Харьков миллий ички ишлер университети Къырым адлие институтынынъ курсантлары ве студентлерине яшлар программаларына козьде тутулгъан пара васталары черчивесинде Къырым Мухтар Джумхуриети стипендияларынынъ тёлемесине къошма техсислер айырылмасыны козьде тутсын.
3. Мезкюр Къарарнынъ эда этильмеси незарети Къырым Мухтар Джумхуриети Юкъары Радасынынъ илим ве тасиль боюнджа Даимий комиссиясына ве Къырым Мухтар Джумхуриети Юкъары Радасынынъ икътисадият, бюджет-малие ве берги сиясети боюнджа Даимий комиссиясына авале этильсин.
4. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2007 сенеси, июнь 20 № 500-5/07 |