Къырым Мухтар Джумхуриети Анаясасынынъ 26-нджы маддесиндеки 2-нджи къысмынынъ 34-нджи пунктына, «Къырым Мухтар Джумхуриетининъ Юкъары Радасы акъкъында» Украина Къанунынынъ 9-нджы маддесиндеки 2-нджи къысмынынъ 36-нджы пунктына, «Къырым Мухтар Джумхуриети Юкъары Радасынынъ депутаты статусы акъкъында» Украина Къанунынынъ 14, 15-нджи мадделерине бинаен
Къырым Мухтар Джумхуриетининъ Юкъары Радасы к ъ а р а р б е р е:
1. Къырым Мухтар Джумхуриети Юкъары Радасынынъ 2007 сенеси 23-майыста къабул олунгъан 458-5/07 санлы Къарарынен (Къырым Мухтар Джумхуриетининъ норматив-укъукъий актлар топламы, 2007 с., № 5, 436 мад.) тасдикълангъан Къырым Мухтар Джумхуриети Юкъары Радасынынъ депутатлары кирсеткен депутат мураджаатлары ве депутат соравлары иле ишлемек тертиби акъкъында Низамнамеге ашагъыдаки денъишмелер кирсетильсин:
2-нджи пункттаки 2.3 пунктастынынъ экинджи сатырбашы мезкюр мундериджели джумленен текмилленсин:
«Ашагъыда «ДЕПУТАТ МУРАДЖААТЫ» серлевасы къоюла»;
3-нджи пунктта:
3.1. пунктасты мезкюр мундериджели сатырбашынен текмилленсин:
«ватандашлар мураджаатлары акъкъында къанунджылыкънынъ бозулувы белли олгъан алда депутатнынъ укъукъкъоруйыджы ве незарет эткен органларынынъ вазифедар шахысларына депутат соравынен мураджаат этмеге акъкъы бар»;
3.2. пунктастынынъ экинджи сатырбашы мезкюр мундериджели джумленен текмилленсин:
«Ашагъыда «ДЕПУТАТ СОРАВЫ» серлевасы къоюла»;
3.4. пунктастында «протокол къарарлары» сёзлери «топлашув протоколындан язып чыкъарма» сёзлерине денъиштирильсин.
2. Мезкюр Къарар къабул этильген кунюнден арекетке кире.
| Къырым Мухтар Джумхуриети Юкъары Радасынынъ Реиси | А. ГРИЦЕНКО |
| Симферополь ш., 2007 сенеси, июнь 20 № 498-5/07 |